Errenta/Renta 2024

Errenta eta ondarea 2024

Apirilaren 10etik ekainaren 30era

Europar Batasunarekin batera finantzatua Confinanciado por la Unión Europea

Zer da errenta-zirriborroa?

Ogasunean dauden datu pertsonalekin, familiaren datuekin eta datu ekonomikoekin egindako aitorpen-proposamena da zirriborroa. Izenak adierazten duen bezala, zirriborro bat besterik ez da; emaitza, beraz, behin-behinekoa da.

Komeni da, aurkeztu aurretik, zirriborrora sartzea eta egiaztatzea daturen bat falta den edo aldatu nahi duzun.

Errenta-zirriborrora sartu

Itzulketa 7 egunetan

Gogoan izan: aitorpenaren emaitza itzultzeko bada (zure alde), zenbatekoa, beranduenez, zazpi eguneko epean sartuko dizugu banku-kontuan, aitorpena aurkezten duzunetik.

Errenta-zirriborroa hiru urratsetan gestionatu

ZIRRIBORRORA SARTU

Egoitza elektronikoan dagoen aitorpen-zirriborrora sartzeko, identifikazio elektronikorako bitarteko bat beharko duzu.

Zeure burua identifikatu ondoren, galdetuko dizugu zein zirriborrotara sartu nahi duzun:

  • Zure zirriborrora.
  • Zurera eta zure ezkontide edo izatezko bikotearen zirriborrora (baterako aitorpenak).
  • Edo beste pertsona batenera.

Gogoan izan: zure ezkontidearekin edo izatezko bikotearekin baterako aitorpen-zirriborrora sartzeko, haren ordezkaritza-gakoa beharko duzu. Bai eta beste pertsona baten zirriborrora sartzeko ere.

Aitorpen-zirriborroaren informazioa telefono bidez eskuratzeko ere, zeure burua identifikatu beharko duzu. Honela egin dezakezu:

  • Bak sistema badaukazu, zure Bak-ari lotutako telefonora SMS bidez bidaliko dizugun kodearekin.
  • Bak sistemarik ez badaukazu, Errenta24ko eskutitzean bidaliko dizugun Bak-en aktibazio-kodearekin.

ZIRRIBORROA BERRIKUSI

Zeure burua identifikatu ondoren, zirriborroaren informazioa kontsultatu ahal izango duzu. Ogasunean dagoen informazioaren arabera zuretzat onuragarriena den aitorpen-proposamena agertuko da, indibiduala edo baterakoa.

Baterako aitorpenen kasuan, gogoratu zure ezkontidearen edo izatezko bikotekidearen datuak bistaratzeko haren ordezkaritza-gakoa beharko duzula.

Seme-alaba adingaberik eta/edo tutoretzapeko pertsonarik baduzu, haien zirriborroak kontsultatu ahal izango dituzu.

Zirriborroan datuak osatu, kendu edo aldatzeko aukera izango duzu, bai eta egoki iritzitako dokumentazioa gehitzeko ere.

Zirriborroan hauei buruzko informazioa aurkituko duzu:

  • Aurkezteko betebeharra.
  • Datuak osatu behar diren.
  • Kasu askotan, emaitza ekonomikoa.

Gogoratu informazio guztia berrikustea komeni dela: familiaren datuak, helbidea eta datu ekonomikoak.

  • Zirriborroa berrikusi ondoren dena ondo badago, aitorpena aurkeztu ahal izango duzu.

  • Zirriborroan datuak osatu, kendu edo aldatzeko aukera izango duzu, bai eta egoki iritzitako dokumentazioa gehitzeko ere.

    Informazio gehiago atalean, ohiko galderak, laguntza-gidak daude, bai eta errentaren zirriborroan datuak aldatzeko (pertsonalak, helbidea) edo sartzeko (soldatak edo pentsioak, errentamenduak, etxebizitza-kenkariak, higiezinen salmenta...) moduari buruzko bideotutorialak ere.

    Gainera, zirriborroak laguntza-sistema bat du ezarrita, zirriborroa osatzeko eta aurkezpena egiteko lagungarri izango zaizuna.

    Informazio gehiago ikusi

  • Behin zirriborrora sartuta, datu horiei buruzko informazio gehiago aurkituko duzu, Abisuak atalean, zirriborroaren menu nagusian kanpai-ikurretik (abisuak) sartzen baita.

AITORPENA AURKEZTU

  • Egin azken errepaso bat. Ez ahaztu datu pertsonalak eta familiarenak berrikustea.

  • Ziurtatu nola aurkeztuko duzun, indibidualki edo batera. Emaitza aldatu egin daiteke.

  • Gogoan izan: aitorpena ezarritako epearen barruan aurkeztu behar duzu. Apirilaren 10etik ekainaren 30era arte daukazu.

Dena zuzen dagoela egiaztatu ondoren, aurkeztu aitorpena. Egoitza elektronikora sartuz gero, ondorengo beste izapide batzuk egin ditzakezu, hala nola kopia bat deskargatu, geroago aldaketak egin edo likidazioa kontsultatu.

Informazio gehiago atalean, kontsultatu eskuragarri dauden izapideak.

Errenta-zirriborroaren emaitza

Zirriborrora sartzean, argi eta garbi ikusiko duzu zure aitorpenerako (indibiduala zein baterakoa) proposatutako emaitza. Seme-alaba adingaberik baduzu, haien zirriborroak kontsultatu ahal izango dituzu. Baina zure ezkontidearen edo izatezko bikotearen ordezkaritza-gakoa beharko duzu, haren zirriborrora sartu nahi baduzu edo baterako aitorpena aurkeztu.

Emaitza posibleak hiru dira:

Aitorpena aurkeztu ondoren, behin-behineko likidazio bat sortuko da, eta, zazpi egunetan, beranduenez, dirua izango duzu zure banku-kontuan. Hori hala izango da baldin desadostasunik ez badago aurkeztutako aitorpenaren datuen eta Ogasunean dauden datuen artean. Behin-behineko likidazioa geroago berrikusi ahal izango da.

Kasu batzuetan, ezein egintzarik egiten ez baduzu (aitorpena aurkeztu ez baduzu eta zirriborroan aldaketarik egin ez baduzu ekainaren 30erako; egun hori barne) aitorpena automatikoki aurkeztuta geratuko da. Kasu horretan bazaude, hala adieraziko zaizu, argiro, zirriborroan eta Errenta24 eskutitzeko Aitorpena orrian.

Behin-behineko likidazioa sortuko da, eta hurrengo egunetan sartuko zaizu zenbatekoa.

Aitorpena aurkeztu behar duzu.

Aitorpena aurkeztu ondoren, behin-behineko likidazioa sortuko da, aurkeztutako aitorpenaren datu berberekin eta emaitza berarekin. Hori hala izango da baldin desadostasunik ez badago aurkeztuko aitorpenaren datuen eta Ogasunean dauden datuen artean. Behin-behineko likidazioa geroago berrikusi ahal izango da.

Ordainketa helbideratu baduzu, ez dizugu kobratuko uztailaren hasierara arte.

Ogasunak ez badu errenta-zirriborro bat egiteko datu nahikorik, ez dizu emaitza ekonomikorik eskaintzen.

Zirriborrora sartu behar duzu, eta falta diren datuak osatu; datuok Abisuak atalean adierazitakoak izango dira.

Zalantzarik baduzu? Hemen dituzu ohikoenak

  • Gomendatzen dizugu zirriborroa berrikustea, osatzea, beharrezkoa bada, eta, ondoren, aitorpena aurkeztea.

    Aitorpena aurkezten baduzu, behin-behineko likidazioa sortuko da, eta dagokion zenbatekoa aurkezpenaren hurrengo zazpi egunetan, beranduenez, sartuko da zure kontuan, non eta ez dagoen desadostasunik aurkeztutako aitorpenaren datuen eta Ogasunak dituen datuen artean.

    Kasu batzuetan, ezein egintzarik egiten ez baduzu (aitorpena aurkeztu ez baduzu eta zirriborroan aldaketarik egin ez baduzu ekainaren 30erako, egun hori barne) zure aitorpena aurkeztuta geratutako da, automatikoki. Kasu horretan bazaude, hala adieraziko zaizu, argiro, zirriborroan eta Errenta24 eskutitzeko Aitorpena orrian. Kontuan izan zirriborroan aldaketarik egiten baduzu, edo aurkezpen automatikoa atzera botatzen baduzu, aurkezpena aurkeztu beharko duzu. Aurkeztu ondoren, behin-behineko likidazioa sortuko da, eta hurrengo egunetan sartuko zaizu zenbatekoa.

  • Gomendatzen dizugu zirriborroa berrikustea eta, beharrezkoa bada, osatzea. Ondoren, aitorpena aurkeztu behar duzu.

    Aurkeztu ondoren, behin-behineko likidazioa sortuko da, aurkeztutako aitorpenaren datu berberekin eta emaitza berarekin. Dena den, behin-behineko likidazioa geroago berrikusi ahal izango da.

  • Bai, baina zure ezkontidearen edo izatezko bikotearen ordezkaritza-gakoa beharko duzu. Ez da beharrezkoa seme-alaba adingabeen kasuan.

  • Kasu batzuetan, itzultzeko diren aitorpen-errentaren zirriborroak automatikoki aurkeztuko dira, baldin eta zirriborroa aldatzen ez bada eta aitorpena aurkezten ez bada ekainaren 30 baino lehen.

    Kasu horretan bazaude, hala adieraziko zaizu, argiro, zirriborroan eta Errenta24 eskutitzeko Aitorpena orrian.

  • Bai, atzera bota dezakezu aurkezpen automatikoa. Toki hauetatik:

  • Ogasunak errenta-zirriborro bat egin du 2024ko ekitaldiari buruzko datu ekonomikoak (errendimenduak eta atxikipenak) dituzten pertsona guztientzat. Errentaren zirriborroan ez da behin-behineko emaitzaren berri ematen, ez eta tributazio-aukerarik onenaren berri ere, baldin Ogasunak zirriborroa osatzeko behar diren datu guztiak ez baditu.

  • Egoitza elektronikotik egiazta dezakezu aitorpena aurkeztuta dagoen, eta bikoiztu bat lor dezakezu. Sartu «Nire aurkezpenak» atalera; bertatik, egindako aurkezpenak ikusiko dituzu, bai eta bikoiztu bat lortu ere.

    Zure aurkezpenak kontsutatu

Jarri harremanetan gurekin

  • Errenta kanpaina

    Teléfono

    94 608 3000

    Arreta pertsonalizatua

    Aitorpena aurkeztea, zergei buruzko kontsultak, informazio orokorra, zalantzak argitzea, Bak aktibatzeko laguntza, Bak sistemari buruzko kontsultak.

    Ordutegia: Astelehenetik ostiralera, 8:30etik 19:00etara

    Arreta automatikoa

    Aitorpena aurkeztea eta izapide errazak.

    Ordutegia: 24/7

  • Gorabehera informatikoak

    Teléfono

    94 608 3566

    Gorabehera informatikoei buruzko kontsultak

    Ordutegia: Astelehenetik ostiralera, 8:30etik 19:00etara

  • Posta elektronikoz

    Idatz iezaguzu herritarrentzako arreta-formularioaren bidez, eta ahalik eta lasterren erantzungo dizugu.