Errenta eta ondarea 2024
Apirilaren 10etik ekainaren 30era
Nola identifikatu Bak erabiliz?
Kanal digitalean errenta-zirriborroa kontsultatzeko eta aitorpena aurkezteko, beharrezkoa da aurretik zeure burua identifikatzea identifikatzeko bitarteko elektroniko baten bidez.
Horretarako, Bak jartzen dugu zure esku, identifikazio elektronikorako bitarteko bat, zeina aktibatzen erraza eta arina izateagatik gomendatzen baitizugu. Gainera, Ogasunarekin egin beharreko edozein izapidetan identifikatzeko balio du.
Bak ez badaukazu, aktibazio-kode bat bidali dizugu etxera, Errenta24 eskutitzean. Ez nahastu: aktibazio-kodea ez da Bak sistemara sartzeko pasahitza, baina Bak aktibatzeko eta pasahitza lortzeko behar duzu.
Egiaztatu Bak duzun
Etxera bidali dizugun Errenta24 eskutitzean ez baduzu jaso aktibazio-kodea, esan nahi du Bak edo BakQ aktibatuta dagoela.
Hau da, baduzu zirriborrora sartzeko identifikazio-bitarteko bat.
Pasahitza gogoratzen ez baduzu, azkar eta erraz berrabiaraz dezakezu.
Baliteke zu kasu honetan egotea
-
Badut Bak
Bak inoiz erabili baduzu aitorpena aurkezteko edo beste izapide batzuetarako, berriro erabil dezakezu zure burua identifikatzeko. Gogoan izan: Bak zure NANak edo AIZak eta zuk aukeratutako pasahitz batek osatzen dute.
-
Ez dut gogoratzen pasahitza.
Bak aktibatu bazenuen baina ez baduzu pasahitza gogoratzen, beste bat eskatu dezakezu.
Pasahitz berria SMS bidez edo mezu elektroniko batean bidaliko dizugu, Bak aktibatu zenuenean adierazitako telefono-zenbakira edo helbidera.
-
Ez daukat Bak, baina aktibazio-kodea bai (Errenta24 eskutitzean)
Bak-en aktibazio-kodea jaso baduzu Errenta24 eskutitzean, horrek esan nahi du ez daukazula Bak. Erraz aktibatu dezakezu.
Telefono mugikorra eta errenta-eskutitzeko Bak-en aktibazio-kodea beharko dituzu, eta NANa edo AIZa eskura izan, haren iraunaldia galdetuko dizugu eta.
-
Ez daukat aktibazio-koderik
Aktibazio-kodea errenta-eskutitzean bidali dizugu, apirilean. Eskutitza jaso baduzu, baina aktibazio-koderik ez, horrek esan nahi du Bak edo BakQ aktibatuta daukazula. Aktibazio-kodea duen Errenta24-eskutitza jaso ez baduzu edo kodea galdu baduzu, Bak-en beste aktibazio-kode bat eska dezakezu.
- Telefonoz: 94 608 3000
- Eskatu Bak-en aktibazio-kode bat. →
Eskutitz bidez bidaliko dizugu etxera, bizpahiru egunetan.
Identifikatzeko beste bitarteko batzuk
BakQ edo beste identifikazio-bitarteko batzuk ere erabil ditzakezu errenta-zirriborrora sartzeko, aitorpena aurkezteko eta egoitza elektronikoan zure burua identifikatzeko.
Zirriborrora sartutakoan, erabili nahi duzun identifikazio-bitartekoa aukeratzeko menu bat agertzen da. Hona bitartekoak: Bak, BakQ edo ziurtagiri digitalak. Zure identifikazio-bitartekoa aukeratu eta datuak sartuta, zirriborrora sartu ahal izango zara.
Beste pertsona batek aurkez dezake Errenta-aitorpena nire ordez?
Zure ordez beste pertsona bat errenta- eta ondare-izapideez ardura dadin nahi baduzu, ordezkaritza erabiltzeko aukera duzu.
Apirilean zure etxera bidali genuen Errenta24-eskutitzak ordezkaritza-gakoa jasotzen du. Gakoa beste pertsona bati emanez gero (senidea, gestoria, aholkularitza...), pertsona hori errenta-zirriborrora sartu ahal izango da, eta aurkezpena zure izenean egin.
Zalantzarik baduzu? Hemen dituzu ohikoenak
-
Zer da Bak?
Identifikazio elektronikorako oinarrizko mailako bitarteko bat da, honako hauek osatua:
- Erabiltzailearen NAN/AIZarekin bat datorren erreferentzia-zenbaki batek.
- Pasahitz batek.
Doako sistema da, Internet bidez aktibatzen dena.
Aktibatzeko, telefono mugikorra eta errenta-eskutitzeko Bak-en aktibazio-kodea beharko dituzu, eta NANa edo AIZa eskura izan, haren iraunaldia galdetuko dizugu eta.
-
Beste pertsona batek Bak eska dezake nire izenean?
Ez, hirugarren batek ezin du inola ere eskatu Bak beste baten izenean.
Beste pertsona batek nire izenean jardun dezan, Bak edo identifikazio digitalerako beste bitarteko bat izan beharko du, eta ordezkaritza baliatu. 2024ko errenta- eta ondare-izapideetarako, pertsona batek beste baten izenean jardun dezake haren ordezkaritza-gakoa erabiliz.
-
Bak-en pasahitza blokeatu dut. Zer egin dezaket?
Pasahitza berrezar dezakezu, eta Bak-eko kudeaketa-tresnen ataritik egin Bak-eko kudeaketa guztiak.
-
Bak-en harremanetarako telefono-zenbakia aldatu nahi dut. Nola egin dezaket?
Izenperen zerbitzuen ataritik eguneratu eta aldatu daitezke Bak-en harremanetarako datuak, Bak-en kudeaketa-panelera sartuta.
-
Bak-en harremanetarako helbide elektronikoa aldatu nahi dut. Nola egin dezaket?
Izenperen zerbitzuen ataritik eguneratu eta aldatu daitezke Bak-en harremanetarako datuak, Bak-en kudeaketa-panelera sartuta.
Helbide elektronikoa aukerakoa da Bak-en, baina komenigarria da Bak-en iraungitze-abisuak jasotzeko.
-
Zer alde dago Bak eta BakQ artean?
Bak eta BakQ identifikazio-bitarteko osagarriak dira.
Biak identifikaziorako eta sinadura elektronikorako doako zerbitzuak dira, eta erabiltzen oso errazak.
Bak identifikaziorako eta sinadura elektronikorako doako zerbitzu bat da, behe-mailakoa eta erabiltzen oso erraza. Pertsona fisikoentzat baino ez da.
Oinarrian, identifikatzaile bat (erabiltzailearen NANa/AIZa) eta pasahitz bat ditu (pasahitza erraz berreskuratu daiteke). Izenpe erakunde ziurtatzailearen hodeian dagoen kualifikatu gabeko ziurtagiri bat da. BakQ-en antzeko sistema da, eta harekin partekatzen ditu identifikatzailea eta pasahitza (beraz, BakQ baduzu, Bak ere baduzu). Bak aktibatzeko ez da beharrezkoa pertsonatzea.
BakQ sistemak, oinarrian, osagai hauek ditu: identifikatzaile bat (erabiltzailearen NANa/AIZa), pasahitz bat (erraz berreskuratu daiteke), erabilera bakarreko SMS bat edo itsasontzi-joko bat eta Izenperen hodeian dagoen ziurtagiri kualifikatu bat.
IZENPE erakunde ziurtatzaileak eman eta kudeatzen du, eta aurrez aurreko identifikazioa behar da, hura emateko.
Bak-ekin batera, sistemok beste batzuek baino ezagutza tekniko eta instalazio-betekizun gutxiago behar dituzte; horrek errazago eta erabilgarriago bihurtzen ditu.
BakQ leku hauen eskatu behar da eta momentuan bertan ematen da:
- KzGunea zentroen sarean.
- Ogasun eta Finantza Sailaren bulegoetan.
- Gertu bulegoak eta Herritarrei laguntzeko Bizkaiko Foru Aldundiaren bulegoak.
Bulego guztien zerrenda kontsultatu hemen.
Jarri harremanetan gurekin
-
Errenta kanpaina
Teléfono
94 608 3000Arreta pertsonalizatua
Aitorpena aurkeztea, zergei buruzko kontsultak, informazio orokorra, zalantzak argitzea, Bak aktibatzeko laguntza, Bak sistemari buruzko kontsultak.
Ordutegia: Astelehenetik ostiralera, 8:30etik 19:00etara
Arreta automatikoa
Aitorpena aurkeztea eta izapide errazak.
Ordutegia: 24/7
-
Gorabehera informatikoak
Teléfono
94 608 3566Gorabehera informatikoei buruzko kontsultak
Ordutegia: Astelehenetik ostiralera, 8:30etik 19:00etara
-
Posta elektronikoz
Idatz iezaguzu herritarrentzako arreta-formularioaren bidez, eta ahalik eta lasterren erantzungo dizugu.