AHALDUN NAGUSIA

Unai Rementeria Maiz, Bizkaiko Ahaldun Nagusia, naiz. 2015eko maiatzaren 28ko foru hauteskundeetan gure herrialdeko emakumeek eta gizonek hautatu ninduten nire bizia Bizkaiaren alde eman eta horrekin konpromisoa hartzeko. Denbora honetan guztian ezagutu dudan eta ezagutzen ari naizen pertsona anonimo ororen ilusioak eta konfiantza jaso ditut. Pertsona horiek niregana hurbildu dira eta nire esku jarri dute baliozkoena: beren konfiantza. Beren beharrak nireak dira Bizkaiko Ahaldun Nagusia naizen lehenengo egunetik, hau da, 2015eko uztailaren 1etik, eta legealdiaren amaiera arte hala izango dira. Aurrekoaren harira, goizero oroitzen dut hemen gaudela pertsonengatik eta pertsonentzat.

NAHI DUGUN BIZKAIA

BIZKAIA GOAZEN 2030

ESTRATEGIAREN LAU HELBURU NAGUSI

  1. 1Jarduera ekonomiko handiagoa lortzea eta kalitatezko enplegua sortzea.
  2. 2Gizarte eta lurralde kohesio handiagoa lotzea eta, horretarako, herritarren eta eskualdeen arteko aukera berdintasunak sustatzea.
  3. 3Bizkaia eta mundua nahiz aukera orokorrak konektatzea.
  4. 4Administrazio modernoagoa, herritarrekiko hurbilagoa eta eraginkorragoa lortzea.

Konpromisoak

  • PERTSONEN DUINTASUNAREKIN

    Pertsonak dira Bizkaiaren bihotza, eta gobernu honen izateko zergatia. Lurraldea garatzeko ezin dugu inor atzean utzi. Hori dela eta, egiten ditugun jarduketa guztien xedea beti izango da herritarren ongizatea hobetzeko.

  • Bizkaia bere eskualde eta udalerriek osatzen dute. Oinarrizkoa da guztiek daukaten potentziala garatzea, eta hori modu orekatuan egitea, elkartasuna eta lurralde kohesioa oinarri hartuta, behar gehiago daukaten eskualdeen proiektuei lehentasuna emanaz. Integrala den garapenak, ekonomiaren, gizartearen eta ingurumenaren eremuak hartzen ditu. Gure helburua da herritar guztiek berdintasuna eduki dezaten bizi-baldintzetan, bizi diren udalerrian bizi direla.

  • Hurbiltasuna da politiko batek daukan tresnarik onena. Gizarteak politika gardenagoa, parte hartzaileagoa eta zabalagoa eskatzen du, eta Gobernu honek lehen egunetik hiru erronka horiei heldu die lehentasunez eta ziurtasunez. Gardentasun eta parte hartze handiena izan duten ekimenen indarra Gardentasun Legea daukan Gobernu baten lehen neurrietako bat izan da.  Eta joan den azarotik Ahaldun Nagusi hau Bizkaiko eskualdeetako herritarrekin bildu da, kontuak emateko, egiten ari garena eta egiten ari ez garena kontatzeko eta herritarrek esan nahi digutena aintzat hartzeko.

  • 2017a Bizkaian gazteen urtea izango da. Izan ere, Aldundiak gure gazteei aukera gehiago ematearen alde esfortsua egingo du. 2017 a urte esanguratsua izan dadin nahi dut, eta inflexio puntu izan dadin, Aldundiaren eta gure gazteen artean.

albisteak

Profila

Unai Rementeria Maiz, Bizkaiko Ahaldun Nagusia, naiz.

1973ko abuztuaren 10ean jaio nintzen Mundakan eta bertan bizitzen jarraitzen dut nire emazte eta bi seme-alabekin.

Deustuko Unibertsitatean Zuzenbidean lizentziatua eta Ekonomia Zientziatan diplomatua naiz. Gainera, Administrazio eta Hirigintza Zuzenbidean diplomatura dut, Mundakako alkate ohia, parlamentari ohia, Bizkaiko Foru Aldundiko Lehendakaritzan diputatu izandakoa eta gaur egun Bizkaiko Ahaldun Nagusia naiz. Baina oso harro sentitzen naiz Mundakan oraindik Mari Tereren seme bezala eta, batez ere, Sabinaren iloba modura ezagutzen baitidate. Bigarrenak Goikoa taberna zuen Kale Nagusian eta egunkariak nahiz aldizkariak ere saltzen zituen.

Egunkariak saltzea eta udan kafeak jartzea izan zen nire lehenengo lana, baina nire ibilbide profesionalari 1999. urtean ekin nion Nabarnizeko Udalean idazkari-kontu hartzaile bezala.

Administrazio zuzenbidean abokatu bezala esperientzia dut enpresa pribatuan. Hainbat bulegotan izan naiz eta administrazio zuzenbidean abokatu aditu bezala jardun dut ere, baina zaletasun politikoak ogibideak baino indar handiagoa izan zuen.

Politikak liluratu ninduen bi mundakarrei esker: Kepa Ormaetxea, Kepa Baba, eta Martintxu apaiza. Niretzat bi erreferentzia izan dira, herriaren aldeko konpromisoak hartzen zituen jendea baitzen, horren truke ezer eskatu gabe. Izan ere, niri politikak herriarengatik, hobetzen saiatzeagatik, irabazi ninduen. Ildo horri eutsiz, nire erreferentzia politiko handia Andoni Ortuzar da. Berarekin topo egin nuen 2008. urtetik 2012. urtera Bizkaiko Buru Batzarreko kidea izan nintzenean.

Politikak liluratu ninduen bi mundakarrei esker: Kepa Ormaetxea, Kepa Baba, eta Martintxu apaiza. Niretzat bi erreferentzia izan dira, herriaren aldeko konpromisoak hartzen zituen jendea baitzen, horren truke ezer eskatu gabe. Izan ere, niri politikak herriarengatik, hobetzen saiatzeagatik, irabazi ninduen. Ildo horri eutsiz, nire erreferentzia politiko handia Andoni Ortuzar da. Berarekin topo egin nuen 2008. urtetik 2012. urtera Bizkaiko Buru Batzarreko kidea izan nintzenean.

Unai Rementeria

Unai Rementeriaren beraren Twitterra