2022(e)ko azaroaren 28(a) 10:23

Gida Bira, gure museoak bertsotan ekimena eskainiko du Bizkaiak Euskararen Nazioarteko Eguna ospatzeko

Euskara, Kultura eta Kirol Saila

Abenduren 3an ospatuko den Euskararen Nazioarteko Egunaren harira, Bizkaiko Foru Aldundiak Gida Bira ekimena jarri du martxan; ekimena Euskararen Etxeak ondu du, Bizkaiko foru museo eta aretoen parte hartzearekin. Gida Bira ekimenak gure museo eta aretoetako ondarea eta bertsogintza batuko ditu, bisitariei esperientzia kultural berezi eta erakargarri bat luzatzeko helburuarekin; hain zuzen, abenduaren 3an eta 4an, goizez, museo eta aretoetan, bisita gidatuak bertsolarien parte hartzearekin egingo dira. Hala, bertsolariek haien ekarpen oparoa egingo diote gidarien diskurtsoari, bisitarien gozamenerako. Ekimena Bizkaiko Foru Aldundiak kudeatzen dituen honako tokitan egingo da: Bakioko Txakoli Museoa-Txakolingunea, Balmasedako La Encartada Fabrika-Museoa, Bermeoko Arrantzaleen Museoa, Bilboko Arkeologi Museoa, Bilboko Ondare Aretoa, Bilboko Rekalde Aretoa, Gernikako Euskal Herria Museoa, Kortezubiko Santimamiñe, Muskizko El Pobaleko Burdinola Museoa eta Euskararen Etxeak antolatutako Liburuaren Arbola erakusketaren inguruan, Getxoko Punta Begoña Galerian. Bisita gidatuetan parte hartzeko izena eman beharko da. Horretarako, ezinbestekoa da museo edota areto bakoitzarekin harremanetan jartzea. Informazio guztia www.bizkaikoa.bizkaia.eus eta www.euskararenetxea.eus web gunetan.

Gida Biraren aurkezpena

Euskaren Nazioarteko Egunaren harira, Bizkaiko Foru Aldundiak, Euskararen Etxearen gidaritzapean eta Bizkaiko foru museo eta aretoen parte hartzearekin, Gida Bira, gure museoak bertsotan ekimena jarriko du martxan. Ekimenean parte hartu duten museotako zuzendariak aurkezpenean izan dira, baita ere Lorea Bilbao Ibarra Euskara, Kultura eta Kirol Saileko Foru Diputatua; Xabier Arauzo Bizkaiko Foru Aldundiko Euskara Zuzendaria Nagusia, Begoña de Ibarra Kultura Zuzendari Nagusia, eta Iurdana Acasuso Azkue Fundazioko zuzendaria.

2021 urtean foru museo eta aretoetan Ondarea berbetan ekimena jarri zen martxan bereziki euskararen sustapenerako ekimen gisa eta aurten Gida Bira ekimena jarriko du abian Aldundiak.

Euskarak munduari begiratzeko aparteko modu bat eskaintzen du, eta oraingoan, begirada hori bertsolarien bidez islatuko da Bizkaiko foru museo eta aretoetan, Euskararen Nazioarteko Eguna ospatzeko asmoz.

Lorea Bilbao Ibarrak azaldu duenez euskarak mundiari begiratzeko modu bat eskaintzen digu, eta oraingoa, begirada hori bertsolarien bidez islatuko da Bizkaiko foru museo eta aretoetan. Gida Bira ekimenak gure museo eta aretoetako ondarea era bertsoginrza batuko ditu, bisitariei esperientzia kultural berezi era erakargarri bat luzatzeko helburuarekin. Euskaraldia, Bertso Txapelketa Nagusia, Euskararen Nazioarteko eguna… hirurak datorkuz aurten bata besteaz lotuta eta polita iruditu jaku gure museotan keinu berezia egitea testuinguru horri. Bilbaok ondare immateriala be balioan jarriko dutela adierazi du, 2023aren atarian, Europak ondare immateriala oso gogoan izango duen urtea izango da eta ekimen honen bidez aurreratu egingo gara eta  gurean hain garrantzitsua den ta nazioartean ere erreferente den artea bertsolaritza museo eta aretoen erdian jarri nahi izan dugu, euskara erdian jarriz, alegia.

Bertsolariak gidari lanetan arituko dira museo eta aretoetako bisitetan, gure ondareari haien ekarpen oparoa eransteko eta bisitariei gure ondarearen bestelako ikuspegi bat erakusteko asmoz, Euskara erdian jarriz.

Horiek horrela, euskara, gure ondarea eta gure kulturaren adierazpide garrantzitsuenetariko bat batuko dira ekimen honen bitartez, bisitariei jarduera kultural berezia eskaintzeko, betiere, Euskararen Nazioarteko Eguna ospatzeko xedearekin.

Ekimena Bizkaiko Foru Aldundiak kudeatzen dituen honako tokitan egingo da: Bakioko Txakoli Museoa-Txakolingunea, Balmasedako La Encartada Fabrika-Museoa, Bermeoko Arrantzaleen Museoa, Bilboko Arkeologi Museoa, Bilboko Ondare Aretoa, Bilboko Rekalde Aretoa, Gernikako Euskal Herria Museoa, Kortezubiko Santimamiñe, Muskizko El Pobaleko Burdinola Museoa eta Euskararen Etxeak antolatutako Liburuaren Arbola erakusketaren inguruan, Getxoko Punta Begoña Galerian.

Halaber, museo eta areto horietan hauexek arituko dira bertsotan: Ibon Ajuria, Aitor Etxeberriazarraga, Oihana Bartra, Ander Elortegi, Imanol Uria, Miren Amuriza eta Jone Larrinaga. Gainera, bisita berezia eskainiko du Yogurina Borova-k.

Gida Bira, gure museoak bertsotan

Bisita berezi hauek abenduaren 3an eta 4an eskainiko dira goizez. Hona hemen egitaraua:

  • Euskal Herria Museoa (Gernika), Aitor Etxeberriazarraga, abenduaren 3an, 10:00etan.
  • Punta Begoña Galeriak (Getxo), Imanol Uria, abenduaren 3an,11:00etan (Saio hau Liburuaren Arbola erakusketaren inguruan ardaztuko da, zeina Euskararen Etxeak ondu duen)
  • Rekalde Aretoa, Oihana Bartra, abenduak 4, 12:00etan eta bertan gonbidatu berezi bat izango da, Yogurina Borova,
  • Ondare Aretoa (Bilbo), Miren Amuriza, abenduaren 3an, 11:30ean
  • Arrantzaleen Museoa (Bermeo), Aitor Etxeberriazarraga, abenduaren 3an, 11:30ean.
  • Encartada Fabrika Museoan (Balmaseda), Ibon Ajuria, abenduaren 4an, 11:30ean
  • Txakoli Museoa-Txakolingunea (Bakio), Jone Larrinaga, abenduaren 4an, 12:00etan.
  • Arkeologi Museoa (Bilbo), Oihana Bartra, abenduaren 3an, 11:00etan.
  • Santimamiñe (Kortezubi), Ander Elortegi, abenduaren 4an, 12:00etan.
  • Pobaleko Burdinola (Muskiz), Ibon Ajuria, abenduaren 4an, 13:00etan (Saio honetan bi gonbidatu berezi izango dira, Mari Domingi eta Olentzero).

Bisita gidatuetan parte hartzeko izena eman beharko da. Horretarako, jarri harremanetan museo eta aretoekin. Hona hemen kontaktuak:

Museo eta aretoen kontaktuak:

  • La Encartada Fabrika Museoa (Balmaseda):
    • 946 80 07 78, laencartada@bizkaia.eus
  • Pobaleko Burdinola (Muskiz):
    • 629 271 516, elpobal@bizkaia.eus
  • Euskal Herria Museoa (Gernika):
    • 946 255 451, euskalherriamuseoa@bizkaia.eus
  • Arrantzaleen Museoa (Bermeo):
    • 946 881 171, arrantzaleenmuseoa@bizkaia.eus
  • Arkeologi Museoa (Bilbo):
    • 944 040 990    , arkeologimuseoa@bizkaia.eus
  • Txakoli Museoa-Txakolingunea (Bakio):
    • 94 602 85 13   , txakolingunea@bizkaia.eus
  • Santimamiñe (Kortezubi):
    • 94 465 16 57, santimamine@bizkaia.eus
  • Punta Begoña Galeriak (Getxo):
  • Ondare Aretoa (Bilbo):
    • 94 406 77 37, ondare.aretoa@bizkaia.eus
  • Rekalde Aretoa (Bilbo):
    • 94 406 85 32   , salarekalde@bizkaia.eus

Argazkiak


Bideoak

Egin zaitez Bizkaia egiten newsletter-en harpideduna

Hileroko buletina, Bizkaiko Foru Aldundiaren zerbitzuko albisteekin eta informazio nabarmenarekin.

Egon egunean Bizkaiko berrikuntza eta proiektu guztien inguruan: kultur jarduerak, azpiegitura berriak, laguntzak eta askoz gehiago.

(*) duten esparruak nahitaez bete behar dira

Sartu balio duen e-mail bat, adibidez: adibidea@adibidea.com

Datuak Babesteko Lege ofiziala onartu behar duzu

Harpidetza hau bat dator DBEOarekin, eta datu pertsonalen tratamenduari buruzko informazioa honako hau da:

TRATAMENDUAREN ARDURADUNA ETA KONTAKTUA:

Komunikazio Zuzendaritza Nagusia

Gran Vía, 25 – 48009 Bilbao

TRATAMENDUAREN HELBURUA:

Bizkaitarren Egiten: newsletter.

ESKUBIDEAK EGIKARITZEA:

interesdunak tratamenduaren arduradunaren aurrean erabil ditzake datuetan sartzeko, datuak zuzentzeko, datuen aurka egiteko, datuak ezabatzeko, datuen tratamendua mugatzeko eta banakako erabaki automatizatuak ez hartzeko eskubideak, Aholkularitza Juridikoaren, Informazioaren Segurtasunaren eta Datuen Babesaren Atalari zuzendutako idazki baten bidez. Honako helbide honetan aurkez daiteke:

  • Bizkaiko Foru Aldundiaren egoitza elektronikoa: https://www.ebizkaia.eus.
  • Bizkaiko Foru Aldundi Erregistro Nagusia (Laguntza Erregistro eta Herritarrentzako Arreta Bulegoa: Diputazio kalea 7, 48008 Bilbao).
  • Bizkaiko Foru Aldundiaren Herritarrei Arreta emateko Eskualdeko Bulegoak.
  • Bizkaiko Foru Aldundiaren sailetako erregistro orokorrak.
  • 39/2015 Legean aurreikusitako gainerako tokiak

Datu pertsonalen tratamenduari buruzko informazio zehatza eskura dezakezu hemen

Kargatzen...