Patricia Campelo: «Berdintasuna aurrerapen sozial eta ekonomikorako aukera bat da»

Denboraren erabilera hobetzeko DenBBora Sareak VIII. Urteko jardunaldiak egin du gaur berriz aktibatu ditu enpresetan denboraren kudeaketa iraunkorrari eta ekitatiboari buruz egiten diren gogoetak.

Sare hau Bizkaiko Foru Aldundiak eta Bilboko Udalak bultzatzen dute eta berrogei erakunde baino gehiago ditu, euren enpresa-estrategiaren atal gisa denboren kudeaketaren berrikuntzarekin konprometituta daudenak.

Jardunaldiaren inaugurazioan, Patricia Campelok, Berdintasuna Sustatzeko foru zuzendariak, defendatu du berdintasuna ez dela soilik emakumeen eskubide ukaezina, aurrerapen sozial eta ekonomikorako aukera baizik. Are gehiago, esango nuke ez dela aukera bat, aurrerapen sozial eta ekonomiko horretarako beharrezkoa den premisa baizik, azpimarratu du.

Adimen emozionala ardatz hartuta Itasmuseumean egin den urteroko topaketa horretan parte hartu du, halaber, Bilboko zinegotzi ordezkariak, Nekane Alonsok. Zentzu honetan, Leire Gartziak, Psikologia Sozial eta Organizazionaleko doktore europarrak, hitzaldia eman du "Adimen emozionaletik kudeatzea gure enpresetan lorpenak sendotzeko" izenburupean.

Gainera topaketan zehar Conexiones Improbables-eko Miren Martin Moratok espazio dinamikoa eskaini du, non parte-hartzaileek pertsonen denboraren antolaketaren inguruan etengabe sortzen diren beharrizan eta ekimen berriak partekatu ahal izan dituzten. Halaber, espazio horretan, DenBBora Sarearen etorkizuneko erronkak birpentsatzeko aukera izan da. Jardunaldia Virginia Imazek itxi du bere clownOndorioekin.

DenBBora Sarea lankidetza publiko-pribatuko gunea da, eta Bizkaiko Foru Aldundiak eta Bilboko Udalak sustatzen dute. Sarearen helburua berrikuntzarekin eta lehiakortasunarekin bateragarriak diren kontziliazioa, erantzukidetasuna eta genero-ekitatea sustatzen dituzten gizarte-eredu berrien diseinuan eta aktibazioan berritzea da.

Gaur egun sarea 42 erakundek osatzen dute; erakunde horiek euren enpresa-estrategiaren barruan denborak kudeatzeko berrikuntzarekiko konpromisoa hartzen dute. Erakunde hauen kudeaketa-estiloa aniztasunaren, berrikuntzaren eta gardentasunaren aldeko apustuarekin eta parte-hartzearen balioekin batera gertatzen da, betiere emaitzak lehiakortasunaren eta iraunkortasunaren ikuspegitik neurtuta.