Bizkaiko Foru Aldundiak hamalaugarren urtez jarraian antolatu dau Bizkaidatz literatura-saria, herritarren artean literatura-sorkuntza bultzatu eta sustatu nahian.

Lehiaketa honetara aurkezten diranek jarraipena emon beharko deutsoe idazle batek proposatutako istorio bati, hark ezarritako hasiera, pertsonaiak eta egoerak kontuan hartuz. Aurtengo edizinoan abiaburutzat hartuko dira istorioak honako honeek dira: euskeraz Gotzone Butronen Nire Sarajevo, eta gaztelaniaz Mikel Alviraren Los imperfectos.

Lorea Bilbao Ibarra diputatuak adierazi duenez, Bizkaidatz lehiaketak herritarren literatur sormena bultzatu nahi du, eta, horrela, Bizkaiko Foru Aldundiak ezarri duen helburua betetzen laguntzen du: literatur arloa eta, zehazki, arlo horretako sormen artistikoa bultzatzen laguntzen duten kultur ekimenak sustatzea, gure lurralde historikoan literatur arloa garatu eta sendotzeko.

Idazlanek 12 orrialde euki behar ditue gitxienez eta 15 euki leikiez gehienez, eta 2022ko apirilaren 5etik irailaren 9ko eguerdiko 13:30ak arte aurkeztu ahal izango dira. Idazlanak Laguntza herritarren erregistro eta arretarako bulegoan bertan itzi ahal izango dira edo postaz bialdu ahal izango dira (Diputazio kalea 7, 48008, Bilbo). Ganera, Bizkaiko Foru Aldundiaren Egoitza Elektronikoaren bidez be aurkeztu ahal izango dira: www.ebizkaia.eus.

Bi modalitateetan lehen sariak 2.000 euro eta egiaztapen-diploma ditu, bigarrenak 750 euro eta diploma, eta hirugarrenarentzat 250 euro eta egiaztagiria dago.

Gotzone Butron

2017. urtean Argihizkiak saria jaso eban. 2018. urtean sari berezia jaso eban Lanbro Beltza lehiaketan , eta 2019an Gargantua sariaren accesita lortu eban Bilbao Aste Nagusia lehiaketan. Beste idazle batzukaz lankidetzan honako liburu honeek idatzi ditu, besteak beste: ‘Uribe Kosta Mungialdea’, ‘Ipuinak-cuentos, ‘Relatos para el andén’, ’Microorrelatari per l radicació de la violència de gènere’ eta ‘101 relatos bibliotecarios’. 2021. urtean ‘Sardinerak’ ipuina idatzi eban, eta Bizkaiko Foru Aldundiak argitaratu eban.

Mikel Alvira

Hogei bat lan idatzi ditu, bai poesian, bai prosan, batzuk ibilbide oparokoak, esaterako ‘El silencio de las hayas’, ‘El color de las mareas’ edo ‘La novela de Rebeca’ ezaguna. Ganera, fikzino-gidoiak idatzi ditu, eta publizitatean egin dau behar. Alvira polifazetikoa da, eta beti dabil adierazpide barrien bila. Istorio-kontalari bikaina da, eta estilo zuzena, preziosista eta ñabarduraz betea erabilten dau. Gaur egun lasai bizi ei da, sormen-langintza bizia eta zaratetatik ihes egiteko bakarraldiak uztartzen.

Bizkaidatzen historia

BizkaIdatz literatura-lehiaketa 2008. urtean sortu zan helburu honegaz: "bizkaitarren literaturaren arloko talentua eta sormena sustatzea eta zabaltzea." Lehiaketaren ardatza da parte-hartzaileek jarraipena emotea gaur egungo idazle batek proposatutako istorio bati, hark ezarritako hasiera, pertsonaiak eta egoerak kontuan hartuz".

Joan diran hamalau urteetan 578 idazlan aurkeztu dira. Hogeita zortzi idazlek aurkeztu dabez proposamenak Bizkaidatz lehiaketara aurkezten diranek jarraipena emoteko; honeexek dira: Miren Agur Meabe (`Carnicería Manolo Harategia´ 2008), Nerea Riesco (`El sauce de San Valentín Díaz´ 2008), Unai Elorriaga (`Prokofiev Plana´ 2009), Maria Eugenia Salaverri (`Madame´ 2009), Irati Jiménez (`Hirugarren bat´ 2010), Oscar Alonso (`Las familias postizas´ 2010), Katixa Agirre (`Uxiaren tesia´ 2011-2012), Alex Oviedo (`La Diosa´ 2011-2012), Goizalde Landabaso `Memoriaren mutazioa´ 2012-2013), Juan Carlos Márquez (`Donde ya sólo hay mar´ 2012-2013), Yurre Ugarte (`Ordezko kazetaria´ 2013-2014), Esther Zorrozua (`Dos anémonas azules´ 2013-2014), Ana Urkiza (`Argazki Kamera´ 2014-2015), Iván Repila (`Delito al azar´ 2014-2015), Aixa de la Cruz (`Stan´ 2015-2016), Jasone Osoro (`Laranja Zukua´ 2015-2016); Alejandro Fernández Aldasoro (`Un merluzo de Anzuelo´ 2016-2017) eta Karmele Jaio Eiguren (`Zaunkak´ 2016-2017); Bernardo Atxaga (`Istripua´ 2017-2018) eta Itziar Mínguez Arnáiz (`Escape´ 2017-2018); Sonia González (`Karma´, 2019) eta Pedro Ugarte (`El propietario de las naranjas´, 2019); Idoia Barrondo (`Ikigai, 2020) eta Juan Infante (`El misterio del testamento ológrafo, 2020); Alaine Agirre (`Zutunik eta makurtuta´) eta Mikel Santiago (`Una sorpresa de ocho patas´) hamahirugarren edizinoan. Aurtengoan Gotzone Butronek `Nire Sarajevo´ proposatu dau Mikel Alvirak `Los imperfectos´.