2022(e)ko otsailaren 17(a) 12:30

Bizkaiko udalerriek 58 milioi jasoko dituzte Herriak Egiten ezohiko funtsetik proiektu eraldatzaileetan inbertitzeko

Ahaldun Nagusiari laguntzeko unitatea - Ahaldun Nagusia

Bizkaiko udalerriek inbertsio-proiektuetara bideratuko dituzte transferitutako baliabideak, baldin eta, lehentasunez, martxan dauden lurraldeko lau trantsizio estrategiko handiak sustatzen badituzte: iraupen luzeko zainketak, digitalizazioa, mugikortasun iraunkorra eta ingurumena. Lurraldeko 112 udalerrien artean banatuko den ezohiko funts hori Estatuak pandemiak eragindako krisiaren eragina arintzeko aktibatutako baliabideetatik Bizkaiari esleitutako 94,79 milioietatik dator. Erakundeak diru horren erdia baino gehiago, hain zuzen ere 58.000.000 euro, udalen artean banatzen du Bizkaiko Foru Aldundiak toki entitateekin duen konpromisoa indartuz, gaur egun gizarte aurreratuenek dituzten erronkak lortzen laguntzeko. Udalerri bakoitzak jasoko duen zenbatekoa biztanle-tarteen araberako esleipen finkoen arabera zehaztuko da: 1.500 biztanlera arteko udalerri txikienek 100.000 euro jasoko dituzte eta Bilbok, 200.000 biztanle baino gehiago dituen udalerri bakarrak, 15 milioi jasoko ditu. Herriak Egiten Ezohiko Funtsaz gain, Finantzen Lurralde Kontseiluan Udalkutxa Udal Finantzaketarako Funtsaren likidazioa onartu da. Likidazio horretan udalen aldeko 80 milioitik gorako superabita jasotzen da eta 910,2 milioi eurora iritsi da, 2021ean aurrekontuan jasotakoa baino % 9,82 gehiago.

Bizkaiko 112 udalerriek 58 milioi euro gehiago jasoko dituzte aurten

Bizkaiko 112 udalerriek 58 milioi euro gehiago jasoko dituzte aurten Herriak Egiten izeneko ezohiko funts batetik, Bizkaiko herri guztiak hobetzeko. Unai Rementeria Ahaldun Nagusiak Finantzen Lurralde Kontseiluan parte hartzen duten udalerrietako alkateekin partekatu du funts hori sortzeko ekimena. Funts hori Estatuak pandemiak eragindako krisiaren eragina arintzeko aktibatutako baliabideetatik Bizkaiari esleitutako 94,79 milioietatik dator. Horrela, Bizkaiko Foru Aldundiak baliabide horien erdia baino gehiago banatu nahi ditu lurraldeko udalen artean, Aldundiak toki entitateekin duen konpromisoa indartuz, gaur egungo gizarte aurreratuenek aurre egin beharreko erronkak lortzen laguntzeko.

Ezohiko finantzaketa horren bidez, Aldundiak lurraldeko udalerriei lagundu nahi die, lehentasunez, abian jarritako lurraldeko lau trantsizio estrategiko handiak sustatzen dituzten inbertsio-proiektuak gauzatzen: iraupen luzeko zainketak, digitalizazioa, mugikortasun iraunkorra eta ingurumena: "Guztion artean 58 milioi euro horiek arlo horietan hobeak egingo gaituzten proiektuak bultzatzeko erabiltzea adostu dugu, aldi berean udal-eremuan ere aldaketa handi horiek bultzatzea eragingo dutenak. Gizarte aurreratuek erronka horiek dituzte, eta guk ere bai», adierazi du Unai Rementeriak.

Ahaldun Nagusiak nabarmendu du Herriak Egiten ezohiko partida Bizkaia osoa hobetzeko funtsa dela: "Udalerri guztietan proiektu eraldatzaileak jarri nahi ditugu martxan, lurraldeko pertsona guztien bizi-kalitatea hobetzeko, bizi diren tokian bizi direla eta baldintza berdinetan. Eta hori bermatuta dago Herriak Egiten planarekin."

Unai Rementeria Bizkaiko Ahaldun Nagusiarekin batera, Amaia Agirre Getxoko alkateak eta Mikel Torres Portugaleteko alkateak hartu dute parte Herriak Egiten ezohiko Funtsaren aurkezpenean, eta erakundeen arteko lankidetza goraipatu eta Aldundiaren babesa eskertu dute. Horiekin batera, Elixabete Etxanobe Herri Administrazio eta Erakunde Harremanetarako diputatua eta Ane Legarretaetxebarria eta Elixabete Uribarri Fruizko eta Plentziako alkateak izan dira, aurretik Finantzen Lurralde Kontseiluaren bileran izan direnak.

Adostutako irizpideak.

Finantzen Lurralde Kontseiluak gaur goizean egindako bilkuran ezohiko funts hori definituko duten irizpideak erabaki dira, baita hori arautuko duen dekretua izapidetzen hastea ere. Irizpideen barruan, udalerri bakoitzak jasoko duen transferentzia ekonomikoaren zenbatekoak azpimarratu behar dira. Transferentzia hori biztanleria-tarteen araberako esleipen finkoak kontuan hartuta zehaztuko da, 1.500 biztanlera arteko udalerri txikienek jasoko dituzten 100.000 euroetatik hasi eta Bilbok, 200.000 biztanletik gorako udalerri bakarrak, jasoko dituen 15 milioietara arte.

Zenbatekoak honako tarte hauetan zehaztuko dira:

a) 1.500 biztanlera arte: 100.000€                                                                                           

b) 1.500  eta 3.000 biztanle artean: 140.000€                                                                            

b) 3.000 eta 5.000 biztanle artean: 230.000€                                                                              

c) 5.000 eta 7.500 biztanle artean: 345.000€                                                                              

d) 7.500 eta 10.000 biztanle artean: 445.000€                                                                            

e) 10.000 eta 15.000 biztanle artean: 665.000€                                                                          

f) 15.000 eta 20.000 biztanle artean:  850.000€                                                                        

f) 20.000 eta 30.000 biztanle artean: 1.300.000€                                                                       

g) 30.000 eta  40.000 biztanle artean: 1.700.000€                                                                     

h) 40.000 eta 70.000 biztanle artean:  2.000.000€                                                                      

i) 70.000 eta  100.000 biztanle artean: 3.405.000€                                                                   

j) 100.000 eta 200.000 biztanle artean: 4.405.000€                                                                   

k) 200.000 biztanletik gora: 15.005.000€                                                                                   

Udalkutxa 2021 likidazioa

Ahaldun Nagusiak nabarmendu duenez, Herriak Egiten Ezohiko Funtseko 58 milioi euroez gain, udalerrien diru-sarrerak handitu egingo dira Udalkutxa funtsaren likidazio positiboari esker ere, 2021eko urrian aurreratu ziren aurreikuspenak hobetu egin baitira.

Horrela gaur egin den bileran Bizkaiko Finantzen Lurralde Kontseiluak 2021eko ekitaldiari dagokion Udalkutxa Udal Finantzaketarako Foru Funtsa likidatu du eta munta 910,2 milioi euro izan da, hau da, ekitaldi horretarako aurreikusitako aurreikuspena, 829,4 milioi, baino 80,8 milioi euro gehiagorekin. Azken zifra horrek urrian, Finantzen Lurralde Kontseiluaren aurreko bileran, egindako ekitaldi-itxierako aurreikuspenak ere hobetzen ditu, orduan hasierako aurreikuspena baino 65,2 milioi euro gehiago izango zirela kalkulatu baitzen.

Horrela Bizkaiko 112 udalerriek 80.714.568 euroko aparteko munta izango dute 2022an, ekitaldi honetarako aurreikusitako 829.432.980 euroei gehituta.


Argazkiak


Bideoak


Audioak

Egin zaitez Bizkaia egiten newsletter-en harpideduna

Hileroko buletina, Bizkaiko Foru Aldundiaren zerbitzuko albisteekin eta informazio nabarmenarekin.

Egon egunean Bizkaiko berrikuntza eta proiektu guztien inguruan: kultur jarduerak, azpiegitura berriak, laguntzak eta askoz gehiago.

Harpidetza hau bat dator DBEOarekin, eta datu pertsonalen tratamenduari buruzko informazioa honako hau da:

TRATAMENDUAREN ARDURADUNA ETA KONTAKTUA:

Komunikazio Zuzendaritza Nagusia

Gran Vía, 25 – 48009 Bilbao

TRATAMENDUAREN HELBURUA:

Bizkaitarren Egiten: newsletter.

ESKUBIDEAK EGIKARITZEA:

interesdunak tratamenduaren arduradunaren aurrean erabil ditzake datuetan sartzeko, datuak zuzentzeko, datuen aurka egiteko, datuak ezabatzeko, datuen tratamendua mugatzeko eta banakako erabaki automatizatuak ez hartzeko eskubideak, Aholkularitza Juridikoaren, Informazioaren Segurtasunaren eta Datuen Babesaren Atalari zuzendutako idazki baten bidez. Honako helbide honetan aurkez daiteke:

  • Bizkaiko Foru Aldundiaren egoitza elektronikoa: https://www.ebizkaia.eus.
  • Bizkaiko Foru Aldundi Erregistro Nagusia (Laguntza Erregistro eta Herritarrentzako Arreta Bulegoa: Diputazio kalea 7, 48008 Bilbao).
  • Bizkaiko Foru Aldundiaren Herritarrei Arreta emateko Eskualdeko Bulegoak.
  • Bizkaiko Foru Aldundiaren sailetako erregistro orokorrak.
  • 39/2015 Legean aurreikusitako gainerako tokiak

Datu pertsonalen tratamenduari buruzko informazio zehatza eskura dezakezu hemen

Kargatzen...