2022(e)ko urtarrilaren 10(a) 12:55

Aldundiak errei bat egokituko du Trabakuan bihartik, asteartea, aurrera

Azpiegituretarako eta Lurralde Garapenerako Saila

Azken orduetako euriteek beste lur-jausi bat eragin dute errepidean, abenduaren hasierako denboraleak jada kaltetutako errepidean.

Trabakua

Euriteek berriro ere lur-jausi bat eragin dute eta, ondorioz, BI-633 errepidea itxi behar izan dute aldi baterako Trabakuan. Igande honetan 400 metro kubiko lokatz erori dira eta gaur, astelehena, egun osoan zehar ibiliko dira lanean lokatza erabat kendu arte.

Azpiegituretarako eta Lurralde Garapenerako Imanol Pradales foru diputatuak bidea bihar bertan, asteartea, irekiko dela jakinarazi du. Errei bat jarriko da martxan, aurretik jarrita zegoen by passa luzatuz, eta lan-eremu bat utziko dugu, kentzen joan daitekeen materiala jasotzen joateko. Hurrengo urratsa etorkizunean gerta daitezken lur-jausiak geldiarazteko euste-sistemak eraikitzea izango da, baina lehenago bermatu egin behar dugu mendian ez dagoela mugitu beharreko material askorik azaldu du Pradalesek.

Trabakuako zirkulazioa abenduaren 10ean ere kaltetu zen, euriteen ondorioz 2.000 metro kubikoko lohia erori baitzen. Garbiketa lanak egin eta larrialdiko obra bat egin ondoren, abenduaren 21ean (asteartea) bypass bat ezarri zen semaforoek erregulatutako errei bakar batetik zirkulazioa modu seguruan bermatzeko.


Argazkiak