2022(e)ko urtarrilaren 04(a) 10:00

Bizkaiak desgaitasuna duten pertsonen gizarteratzea sustatu eta beren elkarte-sarea milioi bat euro baino gehiagorekin babestu du

Gizarte Ekintzako Saila

Bizkaian bizi diren eta desgaitasunen bat duten pertsonak gizarteratzeko eta horiei arreta emateko 2022ko ekitaldian zehar ekintzak garatzen dituzten irabazi asmorik gabeko entitateentzako dirulaguntzen deialdi publikoa onetsi du foru gobernuaren kontseiluak. Foru Aldundiko egoitza elektronikoan eskaerak aurkezteko epea datorren urtarrilaren 18an hasiko da eta erakundeek hogeita hamar egun natural izango dituzte eskaerak aurkezteko.

Bizkaiko Foru Aldundiaren Gobernu Kontseiluak 2022. urterako desgaitasunen bat duten pertsonei laguntzeko eta haiek gizarteratzeko dirulaguntzen oinarri arautzaileak eta deialdi publikoa onetsi ditu. Desgaitasuna duten pertsonen eta haien senideen elkarteak izango dira dirulaguntzen onuradunak, eta Bizkaiko Lurralde Historikoan jardun beharko dute. Deialdiaren zenbatekoa milioi bat eurotik gorakoa da, eta desgaitasunen bat duten pertsonak (bai eta haien senideak ere) ahalduntzea du helburu, autonomia pertsonalerako, bizitza independenterako eta komunitatean parte hartzeko ahalik eta gaitasun gehien gara ditzaten. Deialdia Gizarte Ekintza Sailak hurrengo ekitaldian desgaitasunen arlora bideratuko duen diru kopuruaren barruan dago; orotara, 90 milioi eurotik gora bideratuko ditu gainera. 

Modu horretan, Bizkaiko Foru Aldundiak, gizarte erakundeen laguntzarekin, talde horrentzako arreta, laguntza eta sustapenean erantzukizun publikoa duen agente instituzional gisa, Bizkaian eremu horretako politikak bultzatzen ditu —elkarrekin autonomiarako eta bizimodu independenterako baldintza eta erantzun hobeak sortzeko ikuspegitik— eta desgaitasunen bat duten pertsonen eta haien senideen parte hartzea sustatzen du.

Horrela, dirulaguntza horien xedea da desgaitasuna duten pertsonei arreta ematera eta horiek gizarteratzera zuzendutako ekimenak egitea honako hauen bidez:

  • Elkarte jarduneko programa: entitateek jarduketa programak garatze aldera oinarrizko eta ezinbesteko egiturei eusteko beharrezko ekintzak sustatzeko.
  • Aisialdia eta astialdia: desgaitasunen bat daukaten pertsona horiek aisialdiaz gozatzea erraztea, honako hauen bidez: asteburuetako irteerak, eguneko txangoak edo asteroko aisialdi-klubak, besteak beste.
  • Sentsibilizazioa eta hedapena: gizarteari informazioa ematea eta gizartean sentsibilitatea sortzea desgaitasun egoerak dakartzan gizarte, afektu eta familia ondorioei buruz, haren normalizazioa lortzeko.
  • Esku hartze eta laguntza espezializatua: profesionalek zuzendutako ekintzak, desgaitasunen bat daukaten pertsonen garapena indartzeko, banaka zein taldeka.
  • Kultura sustatzea: desgaitasunen bat duten pertsonen giza eta kultur sustapena bultzatzeko asmoz egiten da, arautu gabeko berariazko prestakuntzaren bidez.

Epea datorren urtarrilaren 18an hasiko da eta erakundeek hogeita hamar egun natural izango dituzte eskaerak aurkezteko. Eskaerak Bizkaiko Foru Aldundiaren egoitza elektronikoan aurkeztu beharko dira.

Bizitza aktiboa eta autonomoa komunitatean

Dirulaguntza horiek desgaitasuna duten pertsonen parte hartzerako eta bizi kalitaterako planean (2021-2023) jasotako konpromisoak lortzera bideratuta daude. Plana foru erakundearen eta desgaitasunen bat duten pertsonen elkarteen eta haien senideen artean eraiki da, eta helburu du baldintza egokiak sustatzea desgaitasunen bat duten Bizkaiko pertsonek ahalik eta autonomia pertsonal handiena lor dezaten, gizarteratzeko eta parte hartze aktiboa izan ditzaten, bai eta mendetasun egoerei aurrea hartzea eta aukeratutako bizitza independentea ahalbidetzea sustatzea ere, laguntza pertsonalizatuen sare bat hedatzearekin batera.

Egin zaitez Bizkaia egiten newsletter-en harpideduna

Hileroko buletina, Bizkaiko Foru Aldundiaren zerbitzuko albisteekin eta informazio nabarmenarekin.

Egon egunean Bizkaiko berrikuntza eta proiektu guztien inguruan: kultur jarduerak, azpiegitura berriak, laguntzak eta askoz gehiago.

Harpidetza hau bat dator DBEOarekin, eta datu pertsonalen tratamenduari buruzko informazioa honako hau da:

TRATAMENDUAREN ARDURADUNA ETA KONTAKTUA:

Komunikazio Zuzendaritza Nagusia

Gran Vía, 25 – 48009 Bilbao

TRATAMENDUAREN HELBURUA:

Bizkaitarren Egiten: newsletter.

ESKUBIDEAK EGIKARITZEA:

interesdunak tratamenduaren arduradunaren aurrean erabil ditzake datuetan sartzeko, datuak zuzentzeko, datuen aurka egiteko, datuak ezabatzeko, datuen tratamendua mugatzeko eta banakako erabaki automatizatuak ez hartzeko eskubideak, Aholkularitza Juridikoaren, Informazioaren Segurtasunaren eta Datuen Babesaren Atalari zuzendutako idazki baten bidez. Honako helbide honetan aurkez daiteke:

  • Bizkaiko Foru Aldundiaren egoitza elektronikoa: https://www.ebizkaia.eus.
  • Bizkaiko Foru Aldundi Erregistro Nagusia (Laguntza Erregistro eta Herritarrentzako Arreta Bulegoa: Diputazio kalea 7, 48008 Bilbao).
  • Bizkaiko Foru Aldundiaren Herritarrei Arreta emateko Eskualdeko Bulegoak.
  • Bizkaiko Foru Aldundiaren sailetako erregistro orokorrak.
  • 39/2015 Legean aurreikusitako gainerako tokiak

Datu pertsonalen tratamenduari buruzko informazio zehatza eskura dezakezu hemen

Kargatzen...