2021(e)ko abenduaren 02(a) 18:30

5 metro garai den 4 metroko diametrodun zuhaitz argiztatu batek Gabonetan EUP!en eta saltoki txikietan erostea sustatzen du

Ekonomia Sustatzeko Saila

Aldamio-egitura batez fabrikatuta dago eta horren gainean hainbat tamainatako kaxak jarri dira. Barrualdetik aldaketa kromatikoak dituen argiztapena du. Olentzerok haurren gutunak jasoko ditu bere oinetan gaur hasi eta Gabon eguneko goizera arte, eta ostean Errege Magoek hartuko diote txanda, abenduaren 27tik urtarrilaren 5eko goizera bitartean.

Eupren zuhaitzaren pistea

Ekonomia Sustatzeko diputatuak, Ainara Basurkok, eta BBKko zuzendari nagusiak, Gorka Martinezek,  EUP!ren Gabonetako zuhaitza piztu dute gaur. Zuhaitz horrekin Gabonetan kontsumoa sustatu nahi da Bizkaiko erosketa-atarian (https://www.eup.eus/) eta tokiko merkataritzan. Arbola hau Foru Jauregiaren atzealdean dago, Bilboko Arbieto eta Astarloa kaleen arteko elkargunean.

Zuhaitzak hiru tamainako kaxei eusten dien aldamio bat du barruan, 5 metroko altuera eta lau metroko diametroa duen egitura bat osatzeko; gainera, aldaketa kromatikoak dituen argiztapena du barnean. Zuhaitzaren ondoan Olentzerok eta Errege Magoek haurren gutunak jasoko dituzten etxola bat jarri da, gaurtik Gabon eguneko goizera arte, lehenengoaren  kasuan, eta abenduaren 27tik urtarrilaren 5eko goizera bitartean, Erregeen kasuan.

Ekimen horren barruan Kale Nagusiaren eta Diputazio kalearen arteko elkargunean 2,5 metroko diametroa eta 2 metroko altuera duen kaxa multzo bat jarri da, zuhaitza non dagoen adierazten duena.


Argazkiak


Bideoak


Audioak