2021(e)ko azaroaren 27(a) 11:40

MusEkintzak soinu tradizionalak eraman ditu Arkeologi Museora

Euskara, Kultura eta Kirol Saila

MusEkintzak, Bizkaiko Museoetako Arte Eszenikoen lehen Jaialdiak, hirugarren emanaldia eskaini du Zukut taldearen eskutik Bizkaiko Foru Aldundiaren Arkeologi Museoan. Jaialdiak 10 ikuskizun eskainiko ditu hilabete bakoitzeko azken larunbatetan, baita ekainaren 11n eta 24an ere. Ikuskisunak foru museoetan izango dira: La Encartada Fabrika Museoa Balmasedan, El Pobal burdinola Muskizen, Bakioko Txakolingunea, Euskal Herria Museoa Gernikan, Arkeologi Museoa Bilbon, Arrantzaleen Museoa Bermeon eta Muñatones Gaztelua dira MusEkintza jaialdia ospatuko den guneak.

MusEkintza Bizkaiko Museoetako Arte Eszenikoen lehen Jaialdia da; Bizkaiko Foru Aldundiak abian jarritako ekimen honek hirugarren esperientzia artistikoa eskaini du gaur, kasu honetan Bilboko Arkeologi Museoan, Zukut taldearen eskutik.


Arkeologi Museoak musika-agertoki bihurtu du bere aretoetako bat, eta antzinako soinuez gozatu ahal izan da ikuspegi garaikide batetik. Zukut taldeak (Iñigo Olazabal eta Argibel Euba) 45 minutuko lau emanaldi egin ditu foru museoan.

Espazio horretan, argiztapen apaingarriak lagundu die musikariei eta ingurunea jantzi du; hainbestez, giro eta esperientzia magikoa sortu da. Besteak beste, Museoko hainbat pieza proiektatu dira.

Ikuskizun honekin, instrumentu tradizional batzuen soinua hurbildu da jendearengana. Honako hauek dira instrumentuetako batzuk: zurezko txalaparta, harrizko txalaparta, alboka, gitarrak, kutxa flamenkoa, panderoak, Frame Drums, pandero karratuak eta perkusioak.

La Encartada Fabrika Museoa Balmasedan, El Pobal burdinola Muskizen, Bakioko Txakolingunea, Euskal Herria Museoa Gernikan, Arkeologi Museoa Bilbon, Arrantzaleen Museoa Bermeon eta Muñatones Gaztelua dira MusEkintza jaialdia ospatuko den guneak.

Bizkaiko foru-museoetan hainbat arte-diziplinatako ikuskizunak eskainiko dira. Berariazko argiztapena eta dekorazio-proiekzioak prestatu dira espazio bakoitzerako publikoaren esperientzia indartzeko. Argiztapena, bideo- eta soinu-proiekzio mapeatuak dituen girotzea sortuko da publikoari dagokionez aukeratutako espazioan museo bakoitzean egiten den ekitaldi artistikoaren aurreko urratsari lagunduko dion esperientzia sortzeko.

Guztira MusEkintzak 10 ikuskizun eskainiko ditu, hilabete bakoitzeko azken larunbatetan eta ekainaren 11n eta 24an egingo direnak.

Aldez aurretik erreserba egin behar da joan nahi den ekitaldia egingo den museo edo gune guztietan. MusEkintzari buruzko informazio guztia hemen kontsulta daiteke: www.bizkaikoa.bizkaia.eus