2018(e)ko urtarrilaren 29(a) 12:45

Aldundiak eta Telefonica-k Bizkaia Open Future_ ekimena berritu dute, lurraldeko enpresen eraldaketa digitala arintzeko

Ekonomia Sustatzeko Saila

Bizkaiko enpresa erreferenteen digitalizazioa azkartzea, EAEn, estatuan eta nazioartean talentua erakartzea, eta kalitatezko enplegua sortzea dira ekimenaren helburuak. Planteatuko diren erronkez gain, startup eta enpresa txiki eta ertain teknologikoetan merkataritza bizkortzeko programa berritzaile bat abiaraziko da, Telefónica-ko bezeroetan oinarrituta. Bizkaia Open Future_ ekimenaren lehen edizioak EAEko, Estatuko eta nazioarteko ekintzailetza-ekosistemaren eskutik (ekintzaileak, startup-ak, enpresa txiki eta ertainak, unibertsitateak eta teknologia-zentroak) 155 proposamen jaso zituen.

Imanol Pradales y Javier Zorrilla

Bizkaiko Foru Aldundiak eta Telefónicak beren hitzarmena berritu dute, Bizkaia Open Future_ ekimenaren bidez lurraldeko enpresen eraldaketa digitala arindu eta sustatzeko. Berrikuntza irekiko ekimen bateratu hori, zehazki, 2015. urtearen amaieran jarri zen martxan. Imanol Pradales, Ekonomia eta Lurralde Garapena Sustatzeko foru-diputatuak, eta Javier Zorrilla, Telefónicako Iparraldeko Lurreko zuzendari nagusiak adostu dute hitzarmen berria, ekintzailetza-ekosistemak aukera izan dezan Bizkaiko konpainia erreferenteek planteatzen dituzten erronkak ebazteko, eta 12 startup eta enpresa txiki eta ertain teknologikok aukera izan dezaten merkataritza bizkortzeko programan (Telefónicak sustatuakoan) parte hartzeko.

Gaur Bilbon aurkeztutako hitzarmenak Bizkaia Open Future_ ekimenari jarraitutasuna ematen dio. Ekimen horri esker, izan ere, bere lehen edizioan, berrikuntza irekiko programaren bidez, lurraldeko bost enpresak (Velatia, Ezkerraldea-Enkarterri-Gurutzetako Unibertsitate Ospitalea ESI, Dibal, Ingeteam eta Tecuni) 155 proposamen jaso zituzten EAEko, Estatuko eta nazioarteko ekintzaile, startup, enpresa txiki eta ertain, unibertsitate eta teknologia-zentroen eskutik, beren eraldaketa digitala arindu eta babesteko asmoz. Halaber, negozio-eredu berrien berrikuntza-prozesuan parte hartzeko aukeratutako bost startup bizkortu eta hamar enpresa txiki eta ertain babestu ziren, bai eta sentsibilizazio eta prestakuntzako hainbat programa garatu ere.

Bizkaia Open Future_ ekimenaren barruan aurkeztu den edizio berriak aukera emango du urrats bat gehiago emateko Bizkaiko konpainiak aro digitalera garatzeko orduan, berrikuntza irekiaren bidez, bai eta ekintzailetza dinamizatzeko, lurraldera talentua erakartzeko eta enpresa-proiektuak finkatzeko ere, Telefónica Open Future_ plataforma globalaren bidez konektatuta. Imanol Pradalesek azpimarratu duenez, Bizkaia Open Future berrikuntzari buruzko ekimen eraginkor ireki bat da, non erreferente diren enpresek eta startupek ezagupen zabala eskuratzen ari diren. Baina, horrez gainera, lehenengo edizioaren emaitzek abalatzen dute teknologia berrien arloko nazioarteko startupek ere lekua dutela gure lurraldean. Bestalde, Javier Zorrillak berariaz nabarmendu du enpresa erreferenteen inplikazioa, negozio-prozesuak jokoan jartzen dituztelako, bai eta aurkeztutako startup eta enpresa txiki eta ertainen ahalegina eta kalitatea nahiz parte hartzen dugun guztion kontzientzia, emaitzei erreparatuta programa honek ez baitu parekorik.

Eraldaketa digitalean oinarrituko den edizio honen berrikuntza, Bizkaiko enpresa erreferenteek planteatutako bost berrikuntza-erronkez gain, honako hau da: heldutasun-maila aurreratua duten startup eta enpresa txiki eta ertain teknologikoen merkataritza bizkortzeko programa bat jarriko da martxan. Bide horretan, Telefónicaren lankidetza izango dute, beren enpresa-proiektua gara eta finka dezaten, multinazionalaren eskaintza teknologikora sartuta.

Bizkaia Open Future_

Bizkaiko sektorea digitalki eraldatzeko orduan babesa emateko Bizkaiko Foru Aldundiaren eta Telefónicaren artean sortutako ekimena da Bizkaia Open Future_. Programa hau orokorrean industriari zuzentzen zaio, eta tokiko nahiz nazioarteko talentu ekintzaile berriaren eta lurraldeko industria-enpresen arteko lotura-puntu gisa finkatu da.

Bizkaia Open Future_ ekimena antolatzen da, batetik, Barakaldoko BIC Bizkaia Ezkerraldea instalazioetan kokatutako espazio fisikoaren bidez, eta, bestetik, Telefónica Open Future_ plataforman oinarritzen den espazio birtual baten bidez. Ekimenaren oinarriak dira, batetik, berrikuntza irekiko programa, zeinaren bidez Bizkaiko enpresa erreferenteek benetako negozio-erronkak planteatzen dituzten, ekimenarekin lotutako berrikuntzaren ekosistemak ebatz ditzan; bestetik, merkataritza bizkortzeko programa, non startup eta enpresa txiki eta ertain teknologikoek beren enpresa-proiektua finkatzen duten; eta, azkenik, ekintzailetza erakartzeko eta sentsibilizazioa pizteko programa, hitzaldien bidez ezagutza eta esperientziak trukatu daitezen.

Telefónica Open Future_

Mundu osoko ekintzaile, startup, inbertitzaile eta bazkide publiko eta pribatuekin konektatu eta berrikuntzarako nahiz negoziorako aukerak erakartzeko diseinatutako plataforma globala da Telefónica Open Future_. Talentua bere hazkunde-etapa guztietan babestea du xede, eta, horretarako, erakunde, inbertitzaile eta enpresekin loturak ezarri eta bizkortzeko eredu integral bat baliatzen du.

Programa honetan sartzen dira Telefónica taldeko berrikuntza irekiko, ekintzailetzako eta inbertsioko ekimen guztiak (Think Big, Talentum Startups, Crowdworking, Wayra, Amérigo inbertsio-funtsak, Telefónica Ventures funts korporatiboak), sare global baten bidez. Sare horretara sar daitezke, era berean, ekintzailetza eta inbertsioko estrategia propioak garatu eta enpresa handiekin konektatu nahi duten kanpoko bazkideak. Orain arte 54.000 proposamenetik gora jaso dira, eta 783 startup baino gehiagotan inbertitu da. Guztira, 1.700tik gora bizkortu dira. Telefónica Open Future_ ekimena 17 herrialdetan dago martxan eta, bere bazkideekin batera, 2011z geroztik 425 milioi eurotik gora erabili ditu inbertsiorako.


Argazkiak


Bideoak

Egin zaitez Bizkaia egiten newsletter-en harpideduna

Hileroko buletina, Bizkaiko Foru Aldundiaren zerbitzuko albisteekin eta informazio nabarmenarekin.

Egon egunean Bizkaiko berrikuntza eta proiektu guztien inguruan: kultur jarduerak, azpiegitura berriak, laguntzak eta askoz gehiago.

Sartu balio duen e-mail bat, adibidez: adibidea@adibidea.com

Datuak Babesteko Lege ofiziala onartu behar duzu

Harpidetza hau bat dator DBEOarekin, eta datu pertsonalen tratamenduari buruzko informazioa honako hau da:

TRATAMENDUAREN ARDURADUNA ETA KONTAKTUA:

Komunikazio Zuzendaritza Nagusia

Gran Vía, 25 – 48009 Bilbao

TRATAMENDUAREN HELBURUA:

Bizkaitarren Egiten: newsletter.

ESKUBIDEAK EGIKARITZEA:

interesdunak tratamenduaren arduradunaren aurrean erabil ditzake datuetan sartzeko, datuak zuzentzeko, datuen aurka egiteko, datuak ezabatzeko, datuen tratamendua mugatzeko eta banakako erabaki automatizatuak ez hartzeko eskubideak, Aholkularitza Juridikoaren, Informazioaren Segurtasunaren eta Datuen Babesaren Atalari zuzendutako idazki baten bidez. Honako helbide honetan aurkez daiteke:

  • Bizkaiko Foru Aldundiaren egoitza elektronikoa: https://www.ebizkaia.eus.
  • Bizkaiko Foru Aldundi Erregistro Nagusia (Laguntza Erregistro eta Herritarrentzako Arreta Bulegoa: Diputazio kalea 7, 48008 Bilbao).
  • Bizkaiko Foru Aldundiaren Herritarrei Arreta emateko Eskualdeko Bulegoak.
  • Bizkaiko Foru Aldundiaren sailetako erregistro orokorrak.
  • 39/2015 Legean aurreikusitako gainerako tokiak

Datu pertsonalen tratamenduari buruzko informazio zehatza eskura dezakezu hemen

Kargatzen...