2019(e)ko abenduaren 18(a) 10:48

Bizkaibusek zerbitzu gehiago jarriko ditu Durangaldeko eta Lea Artibaiko lineetan, Santo Tomas egunean

Garraioak eta Mugikortasun Jasangarria Sustatzeko Saila

Horretarako, egun osoan zehar, Bermeo, Mundaka, Busturia, Gernika, Mungia eta Amorebieta udalerriek –besteak beste– Bilborako autobusa izango dute 30 minuturik behin, goizeko lehen ordutik hasita.

Bizkaibus

Datorren larunbatean, Santo Tomas egunean (abenduak 21), Bizkaibusek lanegunetako zerbitzu berbera eskainiko du A3516 Bilbo - Mungia (Autobidetik); A3514 Bilbo - Amorebieta Etxano - Gernika Lumo; eta A3515 Bilbo - Amorebieta Etxano - Gernika Lumo - lineetan, Durangaldeko eta Lea Artibaiko udalerriei garraio publikoaren zerbitzua bermatzeko.

Horretarako, egun osoan zehar, Bermeo, Mundaka, Busturia, Gernika, Mungia eta Amorebieta udalerriek -besteak beste- Bilborako autobusa izango dute 30 minuturik behin, goizeko lehen ordutik hasita.

Gainera, A3516 linearen maiztasuna 30 minutukoa izango da gauez, 22:30ak eta 1:30ak bitartean, eta ez ordu betekoa, larunbatetan izan ohi den moduan.

Bestalde, aurreko urteetan egin den legez, Bailen kalean dauden Bizkaibuseko geralekuak Hurtado de Amezaga kalera lekualdatuko dira egun guztirako

Argibideren bat behar izanez gero, erabiltzaileek Bizkaibusen doako telefonoa izango dute eskura: 946 125 555. Gainera kontsultak ere egin ditzakete Bizkaibusek Twiterren https://twitter.com/Bizkaibus eta Facebooken dituen orrien bidez https://www.facebook.com/Bizkaibus/ eta zerbitzuaren web gunea ere kontsultatu dezakete https://web.bizkaia.eus/es


Argazkiak