BIZKAIKO AGIRITEGI HISTORIKO PROBINTZIALA

Bizkaiko Agiritegi Historikoa erakunde publikoa da, izaera kultural eta administratiboa duena. Agiritegi historiko eta bitarteko agiritegi gisa duen funtzio bikoitza honakoetan zehazten da, funtsean: administrazio publikoko erakunde eta organoek probintzian sortutako dokumentazioa jaso, kontserbatu eta zabaltzean.

Estatua da Agiritegiaren titularra, eta kudeaketa Euskal Autonomia Erkidegoari eskualdatu zitzaion Euskal Autonomia Erkidegoari eskualdatutako Estatuko Administrazio Orokorraren funtzio eta zerbitzuak hedatzeari buruzko ekainaren 24ko 897/2011 Errege Dekretuaren bidez. Beranduago, ekainaren 12ko 87/2018 Dekretuaren bidez, Eusko Jaurlaritzak kudeaketa hori Bizkaiko Foru Aldundiari eskualdatu zion.

INFORMAZIOA

Bizkaiko Probintziako Agiritegi Historikoa

Henao kalea, 8, 48009 Bilbo, Bizkaia

  • Kontsulten gela: astelehenetik ostiralera, 08:15etik 14:00etara
  • Informazioa eta gai orokorrak: astelehenetik ostiralera, 08:15etik 15:00etara.
  • Artxibategia itxita egongo den jaiegunak:
    • Urtarrilak 1 Urte Berri eguna
    • Urtarrilak 6 Jaunaren Agerkundea
    • Martxoak 19 San Jose
    • Apirilak 9 Ostegun Santua
    • Apirilak 10 Ostiral Santua
    • Apirilak 13 Pazko Astelehena
    • Maiatzaren 1a Langileen eguna
    • Uztailak 25 Santiago Apostolua
    • Uztailak 31 Loiolako San Inazio eguna
    • Abuztuak 15 Andre Mariaren Jasokundea
    • Abuztuak 28 Aste Nagusiko Ostirala
    • Urriak 12 Espainiako Egun Nazionala
    • Abenduak 8 Andre Mariaren sortze garbia
    • Abenduak 25 Eguberri eguna

Agiritegiaren eta eraikinaren historia

agiritegiaren historia

Bizkaiko Agiritegi Historikoak, gainerako probintzietako agiritegi historikoek bezala, Justizia eta Instrukzio Publikoko eta Arte Ederretako Ministerioen 1931ko azaroaren 12ko dekretuan (Protokoloen agiritegi historikoen eta probintziako agiritegi historikoen...

Honen xehetasunak: AGIRITEGIAREN HISTORIA

eraikin-egoitzaren historia

1988an Henao kaleko gaur egungo egoitzara eraman zenera arte, Bizkaiko Agiritegi Historikoak ez zuen eraikin propiorik, eta behin-behineko hainbat kokapen kateatu zituen jarraian...

Honen xehetasunak: ERAIKIN-EGOITZAREN HISTORIA

FUNTSAK ETA BILDUMAK

Bilduma eta funtsen sailkapen koadroa

Deskargatu Sailkapen koadroa (PDF, 99KB)

ZERBITZUAK

  • Bizkaiko Probintziako Agiritegi Historikoak konpromisoa dauka kalitatezko arreta eraginkor eta pertsonala eskaintzeko. Hala, erabiltzaileen eskariei modu eta epe egokienean erantzungo die, horretarako aukerak eta baliabideak aintzat hartuta.

    • Agiritegiak ematen dituen zerbitzuak
    • Dokumentuen funtsak eskuratzea kontsulta gelan.
    • Posta arrunt edo elektronikoz, faxez nahiz telefonoz egindako kontsulten arreta.
    • Orientazioa eta aholkularitza Agiritegiko dokumentu propioak bilatu eta aurkitzeko, bai eta beste agiritegi batzuetan gordetakoak ere.
    • Aretoan eskuragarri dauden datu-baseen eta deskribapen tresnen ezagutza eta maneiuari eta dokumentuen funtsei buruzko informazioa.
    • Administrazio Zentraleko artxiboetarako aholkularitza teknikoa
    • Periferikoa, funtsen transferentziak modurik komenigarrienean prestatzeko xedez.
    • Aurrekari juridiko-administratiboen bilaketa, administrazioarentzat nahiz herritarrentzat.
    • Gordetzen dituen dokumentuen kopia sinpleak eta ziurtatuak egitea.
    • Dokumentuen mailegu administratiboa administrazioko erakunde eta organoei, gordetako dokumentazioa sortu dutenei.
    • Dokumentuen aldi baterako mailegua, horiek erakusketetan jartzeko.
    • Erabiltzaileen eskura dagoen biblioteka osagarria.
    • Bisita gidatuak eta irakaskuntzarekin lotutako jarduerak.
  • Bizkaiko Agiritegi Historikoak dokumentuak mailegatzen ditu. Maileguak administratiboak edo aldi baterakoak izan daitezke.

    Administrazioko mailegua egiten da Estatuko Administrazio Orokorraren probintziako bitarteko agiritegi gisa duen funtzioaren ondorio gisa. Kasu horretan, dokumentuak eskatu eta jasotzea horiek ekoiztu dituen organoaren titularrari edo administrazio-unitateari egokituko zaio.

    Eskatzailearena ez den administrazio unitate edo organo batek sortutako dokumentuen eskaera organismo sortzaileak baimendu beharko du, salbu eta jurisdikzio organoek eskatzen badituzte, edo legeak tutoretza, ikuskaritza eta kontrol funtzioa esleitzen dien administrazioko bulegoek. Baimena mailegu eskaerarekin batera aurkeztu beharko da.

    Arau orokor gisa, eta posible den heinean, eskatutako dokumentuen kopia autentifikatuak bidaliko dira, salbu eta beste eraren bat ezartzen bada ondorioak sortu behar dituen prozedura arautzen duen arauan edo originalak mailegatzea beharrezko bihurtzen duen beste inguruabarren bat baldin badago.

    Emateko arrazoi izan ziren ondorioak sortu ostean, dokumentuak berriz ere integratuko dira artxibategian, jatorrizko kontserbazio egoera berdinean. Maileguaren xede diren dokumentu unitateei dokumentuak gehitzen zaizkienean, hala jakinarazi beharko zaio artxibategiko arduradunari. Oro har, mailegua hiru hilabeterako izango da, eta epe hori luzatzeko aukera egongo da, hori eragin zuen prozeduraren izaera tarteko.

    Aipatutako administrazio maileguaz gain, Agiritegi Historikoak Ministerioaren Agindu bat behar du aurrez, dokumentuak ateratzea baimenduko duena. Eskaera egin baino lehen, komeni da erakusketa antolatzen duen erakundea agiritegiarekin harremanetan jartzea, horretarako ezarritako araudiaren arabera jarraitu beharreko prozedura ezagutzeko.

    Egin beharreko izapideak zehatzak direnez eta gehienetan beharrezkoa denez eskatutako dokumentuak prebentzio edo lehengoratze tratamendu bat jasotzea, eskaera agiritegiko arduradunari/zuzendaritzari helarazi behar zaio gutxienez dokumentua ateratzeko aurreikusitako data baino hiru hilabete lehenago. Bizkaiko Agiritegi Historikoak lankidetzan jarduten du beste erakunde batzuekin eta, hala, erakusketetan jartzeko dokumentuak eskatzen dituztenean horiek aldi baterako mailegatzen dizkie.

  • Bizkaiko Artxibo Historikoak arreta ematen die bisita pedagogikoen eskariei, helburua izanik instalazioak, artxibategiaren historia, funtzioa eta zerbitzuak ezagutzea. Bisita horiek talde bakoitzaren prestakuntzara, interesetara eta ezaugarrietara egokitzen dira.

    Zentroaren eguneroko funtzionamendua ez oztopatzeko, bisita horiek aurrez eskatu behar dira. Guztia behar bezala joan dadin, komeni da taldeak ez izatea 15 pertsonatik gorakoak.

    Informazioa eta eskaerak: artxibo.probintziala@bizkaia.eus

BIBLIOTEKA OSAGARRIA

Artxiboko obren, erakundeen historiakoen, historia orokor eta lokalekoen, historiaren osagarri diren zientzietakoen, informazio teknologia berrietakoen eta komunikaziokoen, erreferentziazko obren, kontsultakoen eta legegintzako errepertorioen obretan espezializatutako biblioteka osagarria dauka agiritegiak.

Agiritegiko langileei nahiz ikerketa lanetarako aretora jotzen duten erabiltzaileei dokumentuen funtsak deskribatzeko lanetan laguntzera bideratuta dago.

Hori osatzen duten argitalpenak erositakoak edo erakunde nahiz norbanakoek dohaintzan emandakoak dira. Gainera, Administrazioaren organismoetatik datozen dokumentu funtsen eskualdaketa batzuekin batera funts bibliografikoak ere etortzen dira, oso garrantzitsuak direnak erakunde horien ezagutza eta ikerketarako.

2.678 monografia eta serieetako 100 argitalpen inguru ditu.

2011. urtearen hasierara arte sartutako funtsen deskribapen bibliografikoak Estatuko Agiritegien Biblioteken Katalogo Kolektiboan kontsulta daitezke. Beranduago sartutako argitalpenak bilatu eta kokatzeko agiritegiko kontsulta aretoan dauden katalogoak begiratu daitezke.

Aretoko kontsultak dokumentuen kontsultaren arau berberak ditu. Gaur egun ez da eskaintzen etxerako mailegu zerbitzua.