BIZKAIKO TUNELAK

Ohituak gaude errepideko tuneletatik pasatzera, baina ez dakigu zein den horietatik zirkulatzeko modurik egokiena.

Jarraian, zerrenda batean jarriko ditugu tunel batetik modu seguruan zirkulatzeko jarraibide orokorrak:

• Beti errespetatu beharko dira abiadura mugak.
• Kasu egingo zaio tunelera sartu aurretik dagoen seinalizazioari.
• Beti errespetatuko dira zirkulazio-arauak; mezu panelei, semaforoei eta megafoniatik eman daitezkeen jarraibideei kasu eginez.
• Tunel luzeetara sartu aurretik, egiaztatu erregai-tangaren egoera tunelaren barruan erregairik gabe geratzea saihesteko.
• Abiadura murriztu tunelera sartu aurretik.
• Argi laburrak piztuko dira eta eguzkitako betaurrekoak kenduko dira ikusmen ona eduki ahal izateko.

Tunelaren barruan:

• Aurretik dauden ibilgailuekin segurtasun distantzia mantendu behar da, eta balazta-argiei adi joan behar da.
• Ez dira ezarritako abiadura mugak gaindituko eta uneoro errespetatu beharko dira (tunel batean, istripu bat tragedia izan daiteke).
• Tunela igarotzen zaudenean, kontuan izan segurtasun-instalazioen kokapena, hots, ebakuazio-irteerak eta larrialdietarako telefonoak.
• Ez geratu ibilgailua, larrialdi egoeran izan ezik.
• Ez egin inoiz noranzko-aldaketa bat eta ez zirkulatu atzerantz.

Erreia aldatu behar denean, keinukaria erabiltzea inoiz baino garrantzitsuagoa da, gainerako gidariei maniobraren inguruan ohartaraziz.

Tuneletik irtetean kontu berezia izan beharko da aldaketa klimatikoekin, bereziki, haizearekin eta eguzkiak sortzen duen liluraldiarekin.

Gidatze normalarekin jarraitu, zirkulazio-arauak errespetatuz.

Eskerrik asko zuen arretagatik.

Jarraian, esango dizugu zeintzuk diren bete behar dituzun oinarrizko arauak, baldin eta tunel baten barruko zirkulazio normala nahasten bada.

Tunelaren barruan auto-ilarak daudenean edo zirkulazioa gelditzen denean, orduan honi egin behar diozu kasu:

• Piztu larrialdietako argiak, gainerako gidariei horren berri emateko.
• Gutxienez, gelditu 5 bat metrora aurreko autoetatik.
• Gelditu motorra, zirkulazioa denbora luzean geldi badago.
• Gelditu ibilgailuaren barruan (eta ez irten ibilgailutik, salbu eta tuneleko langileek irteteko esaten badizute).
• Adi egon tuneleko seinaleei eta tuneleko megafoniaz esaten denari.

Tunelaren barruan matxuraren bat edo istripuren bat gertatzen bazaizu:

• Larrialdietako argiak piztu.
• Ibilgailua bazterbidetik ahalik eta hurbilen geldituko duzu, baldin eta ezin baduzu heldu larrialdietako geralekuetara edo bazterguneetara.
• Itzali motorra eta irten ibilgailutik txaleko islatzailearekin (izan konturik handiena beste ibilgailuekin).
• Eman horren berri larrialdiei; horretarako, erabili SOS larrialdietako telefonoa.
• Istripua jasan duten pertsonak badaude, lagundu istripukoei eta zaurituta daudenei; ahalegindu eurak lasaitzen eta ez mugitu pertsona horiek, salbu eta ezinbestekoa bada.
• Itxaron leku seguru batean harik eta laguntzako zerbitzua heldu arte.

Ibilgailu batek su hartzen badu:

• Larrialdietako argiak piztu.
• Ahal izanez gero, atera ibilgailua tuneletik; ez eman sekula ere bueltarik.
• Eman horren berri larrialdiei, ahal izanez gero SOS larrialdietako telefonoa erabiliz.
• Dela zure ibilgailua, dela beste gidari baten ibilgailua, sutea piztu berri denean bakarrik ahalegindu hura itzaltzen; bestela, sutea ezin bada kontrolatu, irten bizkor tuneletik behar bezala seinalaturik dauden larrialdietako irteera hurbilenetatik.
• Laster jasoko duzu larrialdietako taldeen laguntza.

Eskerrik asko zuen arretagatik.

Jarraian, oinarrizko nozio batzuk adieraziko dizkizugu, tunelak segurtasunez ebakuatzeko.

Larrialdi mota ezberdinak gerta daitezke: sutea, istripua, produktu kimikoen ihesa eta abar.

Egoera horietako edozeinetan, beharrezkoa izan daiteke tunela ebakuatzea; horren helburua, berriz, tunelaren barruan dauden pertsonen segurtasuna bermatzea da.

Ebakuazio hori behar den moduan egiteko, zuk jakin behar duzu zelan jokatu behar duzun leku seguru batera heltzeko.

Larrialdi batengatik tunela ebakuatu behar denean, honelaxe jokatuko da:

• Gelditu zeure ibilgailua, eta piztu larrialdietako argiak.
• Egon lasai.
• Ez mugitu ibilgailua, itzali motorra.
• Ez utzi ibilgailua presaka, beste ibilgailuren batek harrapatu ahal zaitu eta.
• Kontrol Zentroak esango dizu badagoela alarma bat; abisu hori emango dizu informazio-panelen bidez, megafoniako seinale akustikoen bidez, irratiz, semaforoen oharrekin eta abar.
• Kontrol Zentroak behar den beste informazio emango dizu, tuneletik segurtasunez eta taxuz irten ahal izateko.

Tunela ebakuatu behar bada, horren berri emango dizute megafoniaz.

Horrelakoetan, honako hauek hartu behar dituzu kontuan:

• Tunelek badituzte euren barruan larrialdietako irteerak; irteera horietatik heldu ahal izango zara zirkulaziotik kanpoko leku seguru batera. Tunelak laburrak badira, sarrerako eta irteerako ahoak izango dira larrialdietako irteerak.
• Joan zaitez hurbilen duzun larrialdietako irteerara; ez zaitez hurbildu istripua dagoen lekura, eta jarraitu geziei, izan ere, geziok adierazten dizute non dauden larrialdietako irteerak.
• Ez zaitez gelditu, eta ez joan jendea dagoen lekura.
• Ez itzuli inoiz ibilgailuan ahaztuta utzi duzun zerbaiten bila.
• Ez egin sekula ezer bakarrik egin.
• Kea dagoenean, ibili makurtuta, eta hartu kontuan sutea dagoenean oso denbora gutxian ikusi ahal izango duzula sutea hasten denetik, kea zabaldu egiten da eta.
• Tunelek SOS zutoinak dituzte behar bezala seinalatuta; zutoinon bidez komunikatu ahal izango duzu larrialdietako ekipoekin, eta zutoin horietan adieraziko zaizu zer egin behar duzun; ez zaitez gorde zutoinotako zuloetan, hori egitea segurua ez da eta.
• Larrialdietako irteera batera edo puntu seguru batera heltzen zarenean, itxaron larrialdietako zerbitzuak heldu arte.
• Larrialdietako irteeratik beste tunel batera heltzen bazara, kontuz ibili handik dabiltzan ibilgailuekin; izan ere, bada arriskurik beste ibilgailu batek zu harrapatzeko; beraz, gelditu larrialdietako irteeran larrialdietako zerbitzuak heldu arte.

Jarraian, plano batzuk erakutsiko dizkizugu; plano horietan identifikatu ahal izango dituzu tuneletan dauden su-itzalgailuak eta sua antzemateko dauden tresnak; gainera, ebakuazio-seinaleak ikusi ahal izango dituzu, bai eta ebakuazio birtual baten simulakroa egiteko seinaleak ere.

Eskerrik asko zuen arretagatik.