HERRITARREN PARTAIDETZA ENKARTERRIKO PLAN ESTRATEGIKOAN

Eusko Jaurlaritzaren, Bizkaiko Foru Aldundiaren, Enkarterriko udal guztien eta horien mankomunitatearen arteko lankidetza-konpromisotik abiatuta, eskualdeko ekonomia eta gizartea suspertzeko plan estrategiko bat definitzen ari da.

Enkarterriko eskualdeko plan estrategikoa definitzeko prozesuan parte hartzeko gonbidapena

Enkarterrin proiektu berriak martxan jartzea da helburua, ekonomia suspertzeko, enplegua sortzeko eta garapen sozialean sakontzeko.

Eskualdeko Plan Estrategiko honen ezaugarri nagusien artean honako hauek nabarmentzen dira:

  1. Lidergo partekatua Jaurlaritzaren eta foru-aldundien artean, inplikaturiko udalen laguntzarekin.
  2. Ikuspegi integrala, dimentsio hauen inguruan:
    • Berraktibatze ekonomikoa,
    • Enplegua eta prestakuntza,
    • Gizarte-kohesioa eta zerbitzu publikoak,
    • Hiri- eta ingurumen-birsorkuntza eta
    • Lurraldea eta iraunkortasuna.
  3. Epe luzerako ikuspegia, 2030 hartuta Plan Estrategikoaren denbora-muga gisa.
  4. Enkarterriko eragile ekonomiko eta sozial nagusien parte-hartzea planaren definizioan, jarraipenean eta ebaluazioan; bai eta herritarren parte-hartzea ere.
  5. Inplikatutako alderdi eta eragile guztien artean adostasunez hautatutako trakzio-proiektuen kopuru mugatu bat identifikatzea. Proiektu horiek eragin handia izan beharko dute Enkarterriko garapen iraunkorrean, eta horiek finantzatzea eta abian jartzea lehentasunezkoak izango dira inplikatutako eragileentzat, bai maila instituzionalean, bai maila sozialean.
  6. Eskualdeko garapen-agentziek prozesu osoan duten eginkizuna indartzea.

Asmo handiko helburu hori lortzeko, lan-bilerak egin dira inplikatutako erakundeen artean eta landutako gaietan adituak diren pertsonekin.

Prozesu horren emaitza gisa, eskualdea trakzionatzeko edo suspertzeko gaitasuna duten hainbat proiektu identifikatu dira, Enkarterrik dituen erronkei erantzuna emanez eta dituen aukerak eta indarguneak aprobetxatuz.

Zehazki, honako proiektu eraldatzaile hauek identifikatu dira:

  • Enkarterriko trenbidearen azpiegitura eta zerbitzua hobetzea
  • Eskola-uztea prebenitzeko eta Enkarterrin laneratzeko programa
  • Eskualdea digitalizatzeko banda zabala hedatzea
  • Enkarterriko bioekonomia-bultzatzea
  • Enpresa-espazioak sortzea
  • Enkarterriko aktibo turistiko eta kulturalen interkonexio programa

Prozesu hori osatzeko, herritarren parte-hartzea behar da, proiektu horiek kontrastatzeko eta aberasteko, beste ikuspegi eta ikuspuntu batzuk txertatuz.

Horregatik, parte hartu nahi duen edozein pertsonari/erakunderi irekitako prozesu bat jartzen da abian, proposamen eta iruzkin guztiak bilduko dituen plataforma digital baten bidez ekarpenak eginez.

Prozesua amaituta

Azaroaren 8an amaitu da parte hartzeko prozesua.

Emaitzak laster argitaratuko dira.