KIROLA BIZIZ 2018

CUSTOM4US ERRONKA

CUSTOM4 kirol-medikuntza, biomekanika, trebakuntza, prestakuntza eta abar bezalako gaietan “arazo bakarrei aurre egiteko irtenbide bakarrak” eskaintzen dituen enpresa da. CUSTOM4 doikuntza biomekaniko, entrenamenduen programazio eta abarretako teknika eta protokoloen garapenean aitzindaria den enpresa da.

CUSTOM4k planteatzen digun erronka lesioak edo bestelakoak gertatzearen ondorioz beharrezkoak izan aurretik prebentzio-zerbitzuen kontsumoa nola kontzientziatu, sustatu eta bultzatu ezagutzea baino ez da.

Proiektu irabazlea CUSTOM4 enpresan microteaching bat egitera gonbidatuko da honako kirol hauetariko baten: runninga edo txirrindularitza, eta honako arloetako baten: kirol-medikuntza, etekinaren balorazioa, biomekanika edo entrenamendua.

FORUM SPORT ERRONKA

Duela 25 urte kirolari eta kirolaren arloko profesional batzuek Forum Sport sortu zuten; helburua kirol-espiritua sustatzea zen, zertarako-eta irisgarriago bihurtzeko eta gizartearengana hurbiltzeko. Gaur egun Forum Sportek era sortzailean eta berritzailean kirolaren munduak eskuordetzen dituen balio guztiei erantzuten jarraitzen du.

Kirol-materialari dagokionez askotarikotasuna, espezializazioa eta berrikuntza bermatzen ditu. Merkatuko markarik onenak preziorik onenetan, zerbitzurik onenekin eta aholkularitza tekniko eta profesionalarekin. Kirolean hasten direnak aholkatzen ditu eta pertsona horien beharrizan guztiak asetzen ditu, eta baita aspaldi hasi zirenak eta kirolari porrokatuak direnak ere. Kirola entrenamendu moduan egiten duten pertsonak eta entrenamendu bakoitzean muga zailtzen duten kirolariak. Gero eta kirolari gazte gehiago ekipatzen ditu osasunean, adiskidetasunean, talde-espirituan eta norberaren mugak gainditzeko ahaleginean oinarritzen den bizitzeko era sustatu nahian. Forum Sporten borondatea kirolari mota guztiei erantzunak ematea da eta, horregatik, bezeroen arabera egokitzen da. Guztiok ez garelako berdinak eta ez dauzkagulako gustu berberak eta ez ditugulako kirol berberak egiten. Forum Sportek bezeroak entzuten ditu euren beharrizanen berri edukitzeko eta horrela une bakoitzean behar dutena eskaintzeko.

Eta 25 urte bete ondoren eta helburu, ikuspegi eta baloreetan lehentasun horiek edukita, Forum Sportek ezin hobeto ezagutzen ditu gertatzen ari diren eta etorkizunean gertatuko diren aurrerakuntza teknologikoak, merkataritzakoak eta sozialak eta, ondorioz, honako erronka hau planteatu dio bere buruari: Nola bihur gaitezke gure bezeroen kirol-bizitzaren aktibatzaile?

Proiektu irabazleari aukera emango zaio Jardunaldi baten erronka Forum Sporteko Zuzendaritza Batzordeari aurkezteko eta Forum Sporten azken estrategiak gauzatzen diren Gasteizko Concept Store berriaren bisita gidatua egiteko.

GRUPO CAMPUS ERRONKA

Grupo Campus 2000 urtean sortu zen enpresa-talde txikia da; taldearen barruan sozietate batzuk eta diziplina askotako profesionalak daude, berariaz pasio handiz bizi dituztenak berrikuntza eta teknologia berrien arloak. Expertise garrantzitsua garatu dute kirolaren industrian aplikatzen diren irtenbide berrien ikerketaren eta garapenaren arloetan.

Grupo Campus taldeak lau zerbitzuren inguruan jarduten du: berrikuntza eta irtenbide teknologikoak; komunikazioa eta ikus-entzunezkoen ekoizpena; kirolaren arloko prestakuntza eta aholkularitza; eta, azkenik, ekitaldien antolakuntza eta kudeaketa, besteak beste nazioarteko lehiaketak, enpresentzako zerbitzuak, egonaldi teknikoak, birak, ekitaldi sozialak, etab.

Bere produktuen artean “Kirol txartela” aipa daiteke, 2017ko urtarriletik abian dagoena eta Eusko Jaurlaritzak eta Bizkaiko Foru Aldundiak sustatu zutena.

“Txartel birtuala” da eta horrekin kirol zerbitzuetako abonatuek aukera dute programari atxikita dauden beste udalerri batzuetako kirol-instalazioetara sartzeko; hau da, esan genezake garraioan Barik denaren antzekoa dela.

Hasieran kirol-eskaintza Ezkerraldeko udalerrietan ezarri zen baina asmoa ahalik eta udalerri gehienetan erabiltzea da.

Txartel birtuala da eta, ondorioz, nahiko da zure mugikorrean kirol txartelaren appa instalatzea eta horrela norberaren udalerrian abonatuta dauden pertsonek kostu gehigarririk gabe beste udalerri batzuetako kirol-instalazioetara sartzeko aukera izango dute. Gaur egun kirol txartela 17 kirol-instalaziotan erabil dezakezu, kiroldegiak, pilotalekuak eta igerilekuak barne.

Grupo Campusek honako erronka haur aurkezten digu:

“Kirol txartelari” lotuta egongo diren zerbitzu eta produktu berriak sortzea, Eusko Jaurlaritza eta Bizkaiko Foru Aldundia lehen fase honetatik ateratzen direnean autofinantzatzeko moduko proiektu bat lortzeko sarrera nahikoak izango dituena lortzeko.

KIMET SPORT ERRONKA

Kimet Sport kirolaren arloko aholkularitza metodologikoko enpresa da (munduan editatuta eta informatizatuta dagoen metodologia bakarra). Metodologia propioa dauka, era errazean eta eragingarrian

Metodologia hori entrenatzaile guztiengana iristea lortzeko Kimet Planning deritzon aplikazio informatikoa garatu dute, adimen propioarekin futbolaren arloko plangintza egiteko aplikazio informatiko bakarra. Aplikazio honekin denboraldi osoaren plangintza egin daiteke urrats oso errazetan.

Kimet Planning futbolari eta kirolari lotuta dauden eta trebakuntza eta/edo etekina optimizatu nahi duten erakundeentzat eta pertsonentzat da (futbol klubak eta kirol klubak, ikastetxeak, entrenatzaileen eskolak, kirol federazioak, oro har kirolen arloko pertsonal teknikaria, maila guztietako kirolariak, kirolei lotuta dauden erakunde publikoak eta pribatuak, unibertsitateak, kirolen arloko zentro espezializatuak,…).

Kimet Planning erremintak Kimet Sporten jarduketaren arlo nagusiak garatzen ditu, hau da, aholkularitza eta prestakuntza.

Kimet Sportek zuzkitzen duen lan-metodologia urteetan egin eta erkatu da eta adin eta prestakuntza-maila guztietara egokituta dago, kirol-lana era pertsonalizatuan optimizatzeko aukera ematen duena.

Kimet Sport web orria bisitatu eta enpresa eta bere eskaintza ondo ezagutu ondoren, honako erronka hau planteatzen dizugu.

Bizkaiko Foru Aldundiak sustatzen duen Kirola Biziz Foroaren barruan gaude. BFArentzat turismoa Lurraldearen ildo estrategikoa da eta, beraz, hori garatzen lagunduko duten jarduera guztiak aintzat hartu behar dira. Horregatik Kimet Sportek honako galdera hau planteatzen du:

Nola bihur genitzake bateragarri Kimet enbaxadoreen nazioarteko egitura garatzearen sinergia eta, aldi berean, beharrezkoa den bikoitza; gauza izan behar dute potentzial hau futbolaren munduari transmititzeko –kirol moduan, business moduan eta, oro har, gizarte-garapen moduan- eta, aldi berean, garapen hori erakargarria eta interesgarria izatea horren ondorioz Bizkaia bisiten hartzailea den lurraldea izan dadin.

Nola sor genezake Kimet Sporten enbaxadoreen nazioarteko egitura bat turismoa eta kirola uztartuz jendea Bizkaira etortzea lortzeko?

Hau da zuen sorkuntza pizteko planteatzen dugun erronka; jakin dakizuen bezala proposamen horiek hala maila indibidualean nola taldeka egin daitezke.

Aintzat hartuko dira bai egin dugun galderaren ataletako edozeini erantzuteko garatu diren proposamenak eta baita multzo osoari erantzuteko prestatuko direnak ere; jakin ezazue a priori guretzat interesgarriagoak direla azken horiek.

Proiektu irabazleari aukera emango zaio merkataritza, kirol eta enpresa mailako proiektuari lotzeko; Kimet produktuak erakunde laguntzaileentzat; eta gure partnerreen eta gure geure kontaktuak eta brandinga..