Bizkaia

Bak gakoari buruzko Informazioa

Bak identifikazio pertsonalerako bide bat da, ordenagailu batetik edo telefono mugikorretik Aldundiarekin izapideak egiteko.

Erabilerraza da; izan ere, NAN edo AIZ zenbakiaz eta pasahitz batez osatuta dago, eta aukera ematen du zenbait izapide Internet bidez egiteko, Ogasunarekin zerikusia dutenak, besteak beste.

Bak transferiezina da, eta informazio pertsonala eskuratzeko eta izapideak zure izenean egiteko aukera ematen du.

Beste pertsona batzuek ere egin dezakete errenta-aitorpena zure izenean, errenta-gakoa erabiliz.

2021eko errentarako Ogasunak ordezkaritza-gako bat emango dizu; haren bidez, beste pertsona bati baimena eman diezaiokezu zure errenta-zirriborroa eskuratzeko.

Bak doakoa da, eta zenbait modu dituzu lortzeko.

NOLA LORTU BAK GAKOA:

Web-orriaren bidez:

Bak aktibatzeko kodea errenta proposamenarekin batera jaso baduzu zure etxean.

Hauek beharko dituzu:

  • Aktibatzeko kodea
  • Zure NANa edo AIZa izan behar duzu eskura, haren iraunaldia galdetuko dizugu eta.
  • Sakelako telefonoa, pasahitza haren bidez jasoko duzu eta

Bak aktibatu /Aktibatzeko kodea erabiliz

Etxean jaso duzun errenta-gakoa erabiliz

Hauek beharko dituzu:

  • Errenta-gakoa
  • Zure NANa edo AIZa izan behar duzu eskura, haren iraunaldia galdetuko dizugu eta.
  • Sakelako telefonoa, pasahitza haren bidez jasoko duzu eta

Bak aktibatu / Errenta-gakoa erabiliz

Zure etxean ez baduzu jaso Bak aktibatzeko koderik edo errenta-gakorik, hemen eska dezakezu aktibazio-kode bat.

Gutun bidez jasoko duzu zure etxean.

Eskatu Bak aktibazio-kodea

Gogoratu 94 608 3000 telefonoan BAk-i buruz eta Bak nola aktibatu buruzko edozein zalantza erantzungo dutela.

Aurrez aurre

Kasu horretan, ez duzu aktibazio-koderik beharko.

Gakoa lortu ahal izateko, hauek eraman behar dituzu:

  • Zure NANa edo AIZa, haren iraunaldia galdetuko dizute eta
  • Sakelako telefonoa, pasahitza haren bidez jasoko duzu eta

Ogasuneko bulegoetan

Bulegoetara jo dezakezu Bak aktibatzen laguntzeko.

Gogorarazi nahi dizugu aurrez aurreko arreta guztiak aurretiko hitzorduarekin baino ez dira ematen, eta zure hitzordura joan behar duzula.

Errenta-aitorpenak egiten dituzten finantza-erakundeen bulegoetan.

2019ko Errenta eta Ondare kanpainan zehar, modu pertsonalizatuan eta doan egin ahal izango duzu errenta-aitorpena, Kutxabank, Laboral Kutxa, BBVA, Banco Santander, Caixabank eta Banco Sabadellen bulegoetan (250 baino gehiago).

Gainera, aitorpena egiten dizuten bitartean, bulegoan bertan zure Bak gakoa lortzeko aukera emango dizute.

ZER IZAPIDE EGIN DITZAKET BAK GAKOA ERABILIZ?

Bak gakoa erabiliz, etxetik egin ditzakezu izapideak, edo zerbitzuak lor ditzakezu, Ogasuneko bulegoetara joan beharrik gabe, eta berehala.

Bak gakoarekin egin daitezkeen izapideen eta zerbitzuen zerrenda:

BIZKAIKO KATASTROAREN IZAPIDEAK ETA ZERBITZUAK

  • Errolda kontsultatzea (Nire jabetzako ondasun higiezinen kontsulta)
  • Katastro-titulartasuna aldatzeko eskatzea
  • Nire ondasun higiezinen ziurtagiria lortzea
  • ...

KATASTROAREN IZAPIDETARA SARTU

BIZKAIKO FORU ALDUNDIAREN EGOITZA ELEKTRONIKOAREN IZAPIDEAK ETA ZERBITZUAK

  • Bizkaiko Foru Aldundiaren jakinarazpen eta komunikazioetarako sartzea
  • Familia ugarien tituluak ematea
  • Landare hondakinak erretzeko baimena eskatzea
  • Udalekuak 2020 udako kanpaina
  • ...

EGOITZA ELEKTRONIKOAN SARTU

2021. urtean, errazagoa izango da errenta-aitorpena egitea. Ogasunak bizkaitar guztiei egingo die. 2021eko apirilean, zure esku egongo da zure aitorpenaren zirriborroa errentaren app-ean eta www.bizkaia.eus/errenta. web-orrian. Batean zein bestean kontsultatu, aldatu eta onartu ahal izango duzu zure aitorpenaren zirriborroa.

Zure zirriborroa eskuratzeko —web orrian edo app-ean— modu seguruan identifikatu beharko duzu zeure burua. Bak gakoa identifikaziorako bide erreza da.

2021eko errentari buruzko informazio gehiago