Indarkeria matxistaren biktimei hurbileko arreta emateko zerbitzuak dira. Horrela, emakumeen eta seme-alaben deserrotzea ekiditen da eta biktima dagoen lekura hurbiltzen da.

Programen bitartez, komunitatearen testuinguruan esku hartzeko ibilbideak garatzen dira, hala nola hezkuntzan esku hartzea, esku-hartze soziala eta psikosoziala, laguntza soziala, esku-hartze soziojuridikoa, okupazionala edo lan aurrekoa, estimulaziozkoa edo birgaitzekoa, eta gizarteratzen laguntzeko sare sozialak sustatzen dira, familiarekin esku hartzen da eta abar.

Helburuak

Indarkeria matxistatik bizirik irteten direnei erraztasunak ematea eguneroko bizitzako jarduerak garatzeko eta ahal den neurrian autonomia mantentzeko, berreskuratzeko edo handitzeko, familia, lagun edo komunitateko beste eragile batzuekin harremanak izaten.

Sarbidea

Oinarrizko Gizarte Zerbitzuen bitartez, Emakumeak Babesteko eta Familiei Laguntzeko Zerbitzuak indarkeria matxistaren ondoriozko babesgabetasun-egoeraren balorazioa egin ostean.

Programak

Zerizan programa

Ikuspegi integral batetik jorratzen du emakumeek eta familiek pairatzen dituzten sexu-askatasunaren aurkako egintzetatik eta indarkeria matxistaren egoeretatik sortzen den kalte soziala.

• Gizarte-laguntza, emakumeen garapen autonomoa eta gizarteratzea hobetzera bideratua, beren egoera kontrastatzeko aukera emanez, beren autonomia pertsonala mantentzearekin edo garatzearekin, gizarteratzearekin eta indarkeria matxistarik gabeko bizitza eraikitzearekin lotutako helburuak azalduz.
• Gizarte- eta hezkuntza-arloko esku-hartzea, biktimarengan tratu txarren egoeraz jabetzeko eta babesteko eta indarkeriazko harreman berriak prebenitzeko tresnak eskuratzeko kontzientzia-hartzea sustatzera bideratuta, baita ere harremanari eusten lagundu izan dizkioten sinesmenak aldatzea eta indarkeriak eragindako ondorioetatik bere onera etortzea ahalbidetuko dioten jokabideak berreztea sustatzeko.
• Esku-hartze psikosoziala, tratu txarren biktimaren inguruneko egoerak eta testuinguruak eta jokabide-errepertorioak aldatzeko eta hobetzeko helburuarekin, era autonomoan moldatzeko edo gizarteratzeko, hobetzeko gizarte-laguntzako estrategiekin.
• Aholkularitza soziojuridikoa: informazioa eta orientazio juridikoa ematea, tresna juridikoen bidez, indarkeria matxistako egoerei edo sexu-askatasunaren aurkako ekintzei heltzeko eta horiek konpontzeko
• Ostaturako laguntza, ordezko ostatu-baliabiderik ez duten emakumeentzat.

Sua programa

Hezkuntzan esku hartzea eta esku-hartze soziala jorratzen ditu, bai eta psikosoziala ere, indarkeria matxistaren biktima diren eta babesgabetasun-egoera larrian dauden emakumeen familia- edo bizikidetza-unitateei arreta emateko.

• Psikoterapia indibiduala, indarkeria-egoeretatik eratorritako ondorio emozionalei aurre egiteko; autoestimua eta autonomia pertsonala sustatzea, baita autokontrola eta ahalduntzea ere; eta komunikazioa eta pertsonen arteko harremanak hobetzea.
• Talde-psikoterapia, beste emakume batzuekin batera gertatzen diren arazoez jabetzeko eta ondoeza sortzen duten bizi-baldintzekiko alternatibak bilatzeko.
• Familian esku hartzea, familia-sistemaren oreka berrezartzeko ekintzak garatuz.
• Esku-hartze komunitarioa, familia bere ingurune komunitarioan integratzen laguntzera bideratua, ingurune komunitarioan apurtuta edo hondatuta dauden loturak eta gizarte-harremanak sortzea eta berreskuratzea sustatuz.
• Ostaturako laguntza, ordezko ostatu-baliabiderik ez duten emakumeentzat.

Beregain-A​ilara programa

Erabiltzaileei beharrezkoa den arreta ematen zaie bizitza autonomoa izateko prest egon daitezen, eta gaitasun sozialak eta laneko gaitasunak ematen zaizkie familia-dinamika osasuntsuen alde. Horrez gain, babesteko betebeharra modu egokian gauzatzea sustatzen da, seme-alabak zaintzeari dagokionez.

• Esku-hartze psikosoziala, emakumeen ingurunearen testuingurua hobetzera bideratua, jokabide-aldaketak eta familia- eta komunitate-baldintzetan aldaketak sustatuz, zaurgarritasun-faktoreak murrizteko edo ezabatzeko.
• Hezkuntzako edo gizarte- eta hezkuntza-arloko esku-hartzea, jarrera eta ohitura desegokiak alda daitezen eta autonomiaz moldatzeko eta gizarteratzeko egokiak diren beste batzuk eskura daitezen sustatzeko.
• Gizarte-laguntza, laguntza instrumental, emozional, hezitzaile eta erlazionala emanez, bai eta informazioa ere, baliabideak eta zerbitzuak eskuratzeko, eta haien gizarteratzea eta autonomia bultza dezaketen eskubide eta prestazioak ezagutzeko.
• Beste prestazio osagarri batzuk, osasun-prestazioak, gizarte- eta lan-laguntza eta arreta eta jarraipen psikologikoa barne, besteak beste.
• Ostaturako laguntza, ordezko ostatu-baliabiderik ez duten emakumeentzat, arreta pertsonaleko prestazioak (norberaren zaintzarako eta kargupeko pertsonen zaintzarako laguntza), etxeko laguntza eta hezkuntzako edo gizarte- eta hezkuntza-arloko esku-hartzea.

Haziak programa

Indarkeria matxistatik bizirik irten diren emakumeei laguntzeko zerbitzu bat da.

Emakumeen eta kargura dituzten adingabeen indarkeria matxistatik sortutako ondorioak jorratzen ditu, eta hezkuntzan esku hartzeko eta esku-hartze sozialeko eta psikosozialeko orientabideei lotutako prestazioen multzo bat eskaintzen die familia-unitate horiei. Horretarako, esku hartzeko lau modalitate ditu, hautemandako premien araberakoak.

• Gizarte-laguntza, laguntza instrumentala, emozionala, hezkuntzakoa eta harremanetakoa.
• Esku-hartze sozioedukatiboa eta psikosoziala, honako hauek barnean hartuta:
  • Esku-hartze psikosoziala, pertsonen inguruneko egoerak eta testuinguruak aldatzen eta hobetzen laguntzeko. Jokabide-errepertorioetan eta familia- edo komunitate-baldintzetan aldaketak bultzatzea eta sustatzea, kalteberatasuneko edo gizarte-zailtasuneko egoera bat sortzen edo mantentzen duten faktoreak murrizteko edo ezabatzeko.
  • Hezkuntzako edo gizarte- eta hezkuntza-arloko esku-hartzea: erabiltzaileek, profesional batekiko hezkuntza-harremanaren bidez, jarrera eta ohitura desegokiak aldatzen dituzte, eta jarrera eta ohitura egokiak hartzen dituzte beren kabuz moldatzeko eta edozein testuingurutan gizarteratzeko. Banaka, familian, taldean eta/edo komunitatean eta hainbat testuingurutan garatu ahal izango da.
  • Esku-hartze estimulatzailea edo errehabilitatzailea: jarrera, trebetasun edo gaitasun fisikoak, kognitiboak edo portaera-gaitasun instrumentalak eskuratzeko, garatzeko edo berreskuratzeko laguntza edo estimulua eskaintzea, autonomia-mailarik handienari eutsi edo hura eskuratu ahal izateko.
  • Familiarekiko esku-hartze sozioedukatiboa eta/edo psikosoziala, laguntza jasotzen duen erabiltzailearen familia- edo bizikidetza-unitateei laguntzera bideratutako harreman-prestazio batzuk barne.
• Bizimodu independentearekiko laguntza. Ingurune irekian esku hartzeko planteamenduak, gizarte-bazterkeria larriko egoeran dauden pertsonei eta, bereziki, etxebizitzarik ez dutenei zuzenduak, bai eta laguntza indibidual intentsiboko funtzioak indartzekoak ere, batez ere bizimodu independentearen eredutik abiatuta, ostatu-zerbitzuen hornidura eta banakako laguntza-zerbitzuen hornidura bereizteko aukera finkatzeko aukera emango diguna.
• Beste prestazio osagarri batzuk, osasun-prestazioak, gizarte- eta lan-laguntza eta arreta eta jarraipen psikologikoa barne, besteak beste.
• Ostaturako laguntza, ordezko ostatu-baliabiderik ez duten emakumeentzat.