BIDAIA BITXIA. J.E. DELMASI OMENALDIA BERE JAIOTZAREN 200. URTEURRENEAN

Juan Eustaquio Delmas Bizkaiko XIX. mendeko pertsona ospetsua izan zen eta aurten zehazki bere berrehungarren urteurrena ospatzen da. Idazle, ikerlari, publizista, kazetari eta Jaurerriko inprimatzaile izan zen. 1846an Delmasek El viaje pintoresco por las provincias Vascongadas eta, zenbait urte beranduago, bere lanik garrantzitsuena, Guía histórico-descriptiva del viajero en el señorío de Vizcaya (1864) oparitu zizkigun, biak gure lurraldeko antzinako elementu eta monumentu garrantzitsuen litografiez osatuta. Irurak Bat egunkariaren sortzaile eta Bizkaiko Monumentuen Batzordeko lehendakariorde, Delmas bere garaikideei ia mende bat aurreratu zitzaien gida turistiko modernoen deskribapen irizpideak hartuz. Bere obrek ikuspuntu berritzaile hau azaltzen dute, Bizkaiko monumentu esanguratsuenak gizarteari hurbiltzen dizkion hizkuntza didaktiko batekin. Miguel Zugazak, Salazartarren Jauregian izango den hitzaldian, Delmas nabarmendu zen arloei buruz hitz egingo digu, bereziki Bizkaiko ondare kultural eta historikoaren alde egindako ekarpenaren gainean. Jarraian, Juan Gonzalez Cembellínek Muñatones Gazteluan zehar gidatuko gaitu Delmasek berak El viaje pintoresco obra irudiz hornitzeko egindako grabatua abiapuntutzat harturik. Hemeretzigarren mendeko irudi honek garai hura zenbateraino irudikatzen zuen eta gaur egun zer geratzen zaigun aztertuko dugu.