Arriaga Antzokia. Cruz de navajas

  • Noiz

    2020/08/20(e)tik 2020/09/13(e)ra

  • Web

    Bisitatu

Bilbao

Mecanoren onena inoiz ikusi ez bezala.

Aurtengo udan ere, Arriaga Antzokiak musika ikuskizun handia eskainiko die Bilboko ikus-entzuleei.

Cruz de Navajas izango da, Mecano taldearen musika omentzen eta aintzatesten duen show-a.

Taldearen jarraitzaileek eta ikus-entzule guztiek, Arriagan gozatu ahal izan ditugun Mecano taldeari buruzko beste proposamen eszeniko batzuk gogoratuko dituzte.

Cruz de Navajas horiek bezain ikusgarria da, baina planteamendua desberdina du.

Dena neurri handian pentsatuta eta diseinatuta dago, xehetasun txikienak ere zainduz, Mecanoren onena inoiz ikusi ez den bezala eskaintzeko, azken teknologia eta interpreteen talentu eta sentsibilitate handia uztartuz.

Konbinazio horren ondorioz, musika moldaketa bakoitzarekin, ikuskizunean agertzen diren Mecanoren funtsezko 35 abestiak indartzen dira.

Asko dira kontuan izan beharreko elementuak.

Horregatik, ikuskizunak makineria eta giza baliabide handiak ditu, eszenatokiaren atzean eta gainean, gauero show onena eszenaratu ahal izateko.

Ekoizpen lan handia da: materialeko 6 trailer, 330 foku, 120 audio kanal, 40.000 watt soinu eta 30 Meyer kaxa.

Cruz de Navajas lanaren puntako teknologiaren adibide bat pantailak dira.

Espainiako estatuan lehen aldiz, bereizmen handiko hainbat led pantaila garden erabiliko dira, 100 m2 baino gehiago guztira, estrukturez eta euskarriz osatutako eszenako mekanikarekin batera, eszenatokiko espazioak sortuz eta eraldatuz.

Emango diren bideoak, bikainak, beren-beregi egin dira ikuskizunerako.

Musika-tresna anitzekin arituko diren 10 musikarik zuzenean joko dute, eszenografian bertan integratuta, ikus-entzuleen aurrean, kontzertu bat balitz bezala.

Eta musika moldaketei ahotsa jartzearen arduradunak moldakortasun handiko 8 abeslari dira.

Horien ahotsek nortasuna ematen diote abesti bakoitzari.

Eta hori guztia gutxi balitz, 12 profesionalek osatutako dantza taldeak erakargarritasun bisuala ematen dio ikuskizunari.

Eta guztiek maila estetiko bikaina erakutsiko dute, musika pieza bakoitzari bizia emateko egin diren 290 jantzi baino gehiagoei esker.

Sustatzailea eta ekoizlea Gonzalo Pérez da, Cruz de Navajas lanaren ideiaren sortzailea.

Espainiako entretenimenduaren industrian erreferentea den pertsonari buruz ari gara, eta azken urteetan hainbat lan arrakastatsu egin ditu; ekoizleetako bat izan zen Billy Elliot, el musical, eta West Side Story edo Priscilla, beste batzuen artean.

Orain, Cruz de Navajaslanarekin, ziurrenez orain arte egin duen proiektu handienari ekingo dio.

Ordutegia

Saioak

Abuztua

  • 20 - 19:30etan
  • 23 - 19:00etan
  • 25 - 19:30etan
  • 26 - 19:30etan
  • 27 - 19:30etan
  • 28 - 19:30etan
  • 29 - 18:00etan eta 22:00etan
  • 30 - 19:00

Iraila

  • 1 - 19:30etan
  • 2 - 19:30etan
  • 3 - 19:30etan
  • 4 - 19:30etan
  • 5 - 18:00etan eta 22:00etan
  • 6 - 19:00etan
  • 7 - 19:30etan
  • 9 - 19:30etan
  • 10 - 19:30etan
  • 11 - 19:30etan
  • 12 - 18:00etan eta 22:00etan
  • 13 - 19:00etan

Argibide gehiago

Tarifak

24 - 55€ /beherapenak

Prezio murriztuko saioak: 24 €tik 49 €ra.
Abuztuaren 20, 21, 22, 23, 25, 26 eta 27an eta irailaren 1, 2, 3, 7, 9 eta 10ean.

Prezio orokorreko saioak: 28 €tik 55 €ra.
Abuztuaren 28, 29 eta 30ean eta irailaren 4, 5, 6, 11, 12 eta 13an.

Arriaga lagunak:
  • Abuztuaren 20, 21, 22 eta 23an, %20ko DESKONTUA.
  • Gainerako saioak, astelehenetik ostiralera, %15eko DESKONTUA.
Kolektiboak:
  • Abuztuaren 20, 21, 22 eta 23an, %20ko DESKONTUA.
  • Gainerako saioak, astelehenetik ostiralera, %15eko DESKONTUA.
  • Larunbatak eta igandeak, %10eko DESKONTUA.
Gurpil-aulkian dauden pertsona desgaituak

%50eko DESKONTUA (eszenaurrean, palkoan eta lagun batekin).

Aldez aurretiko/aldez aurreko salmenta uztailaren 12rarte: pertsona eta saio guztientzako %20ko deskontua

Arriaga Antzokia. Arriaga Plaza, 1. 48005 Bilbo (Bizkaia)

Eta gainera