BIZKAIA GOAZEN 2030
Bizkaia munduari lotuta
4 ardatza, helburua:
Nazioarte mailako foro nabarmenetan kokatzea
Ekintza aukeratu:
-
Hondakinen tratamenduei eta ingurumen-praktika onei buruzko esperientziak trukatzea
Aurrerapen-maila:
%1002015eko azaroan, Saileko ordezkari batzuk Alemaniara joan ziren, konposta egiteko instalazioen funtzionamendua eta ezaugarriak ezagutzeko.
2016. urtean, «Hiri eta Herri Jasangarrien Europako VIII. Konferentzia. Ekintza Eraldatzailea: Europarentzako potentziala» ekimenean hartu dugu parte. Bilboko Euskalduna Jauregian egin zen apirilaren 27tik 29ra. Europako eta Estatuko erakunde batzuetako iraunkortasun arloko adituek Zabalgarbiko lantegia bisitatu zuten, Artigas-Arraizeko Ekoparkean, eta aukera izan zuten Bizkaiko Foru Aldundiak hondakin-kudeaketan erabiltzen duen sistema ezagutzeko.
Jardunaldia amaitzeko, Mungian dagoen Koopera Reusing Center bisitatu zuten; han, etxeko hondakin txikiak berrerabiltzen dira (arropa, oinetakoak, osagaiak, liburuak, jostailuak, bazar-gaiak, aparatu elektriko eta elektroniko txikiak...), eta enplegua ematen zaie pertsona batzuei, inklusio sozialaren ikuspegiarekin betiere.
Ekintza horiek eginda, bukatutzat eman da jarduketa
-
Nazioartean Ekonomia Itunaren ezagutza sustatzea
Aurrerapen-maila:
%30Nevadako Goi-mailako Hezkuntza Sistemaren Zuzendaritza Kontseiluaren (SNES), Renoko Nevadako Unibertsitatearen ordezkari gisa (UNR), eta Bizkaiko Foru Aldundiaren artean Ekonomia Itunaren ezagutza nazioartean sustatzeko lankidetza hitzarmena izenpetu zuten, eta 2017 eta 2019 arteko iraunpena aurreikusten da.
Sinatutako lankidetza-hitzarmena dela eta, 2017. urtean karrerako funtzionario bat joan da UNRren Centre for Basques Studies (CBS) zentrora, eta han izan da 80 egunez, udaberrian. Pertsona horrek Itunaren berri eman du nazioartean, arloari buruzko hitzaldiak emanez eta Ekarpenari zein haren nazioarteko proiekzioari buruzko ekarpen zientifiko bat eginez idatziz argitaratzeko.
Horrez gainera, 2017ko azken hiruhilekoan, 2018. urtean UNRra joango diren hautagaien aukeraketa egiteko prozedura hasi da lankidetza-programa horren barruan.
Bestalde, lanak hasita daude UNR-k hemendik gutxira editatuko duen argitalpenean jasoko diren ekarpen zientifikoak abiarazi eta koordinatzeko.
-
Smithsonian Folklife jaialdian parte-hartzea
Aurrerapen-maila:
%100Bizkaiko Lurralde Historikoak Smithsonian Folklife jaialdian izandako parte-hartzean, 2016an egin zeneean, euskal kulturaren inguruko jarduera-programa oso bat egin zen.
Xedea bete zen, hain zuzen, iparramerikarrei euskal kulturaren aberastasunaren berri ematea, hainbat elementu erabilita: dantza, musika, artisautza, gastronomia, hizkuntza, herri kirolak, lanbide tradizionalak, arte-adierazpenak... Eta bereziki nabarmendu zen euskal gizartearen izpiritu berritzailea.
Oso garrantzitsua izan zen programak izan zuen eragina; izan ere, lehen mailako ekitaldi kulturala den Smithsonian Folklife Festival jaialdiaren barruan egin zen, ospe handiko kultura-erakundea den Smithsonian institutuak antolatua. Ahalmen sinboliko handiko leku batean egin zen, Estatu Batuetako hiriburuan, uztailaren 4aren inguruan. Beraz, bisitari ugari izan zituen ekimenak.
-
NPLD (Network to Promote Linguistic Diversity) sarean sartzea
Aurrerapen-maila:
%75NPLD (Network to Promote Lingusitic Diverity) sare paneuropar bat da, Europako Batzordearen laguntzarekin sortutakoa eta estatu eta eskualdeetako hainbat gobernuren babesa du. Sarean sartuta daude hizkuntza konstituzionalen, eskualdeetakoen eta estatu txikietako hizkuntzen arloko hizkuntzapolitika eta plangintzaren eremuan lan egiten duten unibertsitateak, elkarteak eta GKEak.
Hizkuntza-aniztasunerako Europako Sareak (NPLD) egindako ibilbide-orriaren helburua da hizkuntza-aniztasun sustatzea eta Europarako hizkuntza-politika propio bat osatzea, Europa Estrategiaren barruan.
Aldundiak sare horretan parte hartu ohi du. Hala, 2017an NPLD sareak antolaturiko “hizkuntza gutxiagotuentzako erronkak egungo gizarte konplexuetan” hitzaldian hartu zuen parte 2017ko azaroaren 9an. Azaroaren 8an, 9an eta 10ean, High-level Conference izan zen Bruselan, eta bertan izan zen Euskara eta Kulturako foru diputatua.
-
Gizarte programei eta adinekoentzako programei buruzko esperientziak trukatzea Europako iparraldeko herrialdeekin
Aurrerapen-maila:
%50Aliantzen sarea eraikitzeari esker, Bizkaiko lurraldea Europa iparraldeko herrialdeetako erreferentziazko eragileekin konektatu nahi da, esperientziak eta ezagutzak elkar trukatzea eta ikastea errazteko.
Hala, harreman puntualak kolaborazio sare egonkor bihurtzeko aurrerapausoa eman da, lankidetza eta garapen bateratuko modu berriak eragingo dituzten akordioak sinatuz.
Aldundia “Silver Economy” saria garatzen ari den aliantzaren parte da, Europako Batzorderako, Finlandiako eskualde batekin batera.
2016an jasotako bi bisitei (Suediako Stockholm eskualdeko udalerriena eta Suitzako Vaud kantoiko egoitzetako zuzendarien elkartearena), 2017ko maiatzean izandako beste bisita bat gehitu behar zaizkie: Suediako Stockholm eskualdeko Nacka udalerriko erakunde maila gorenaren bisita izan zen (politikoa eta teknikoa), gizarte zerbitzuei eta garapen sozio-ekonomikoari buruzko ezagutza trukatzeko helburuarekin.
2017ko urrian, Zilar Ekonomiari buruzko jardunaldi baten testuinguruan, Kopenhageko (Danimarka) Etorkizuneko Ikasketen Institutuko zuzendariarekin harremanetan izateko aurrerapausoa eman zen.