BIZKAIA GOAZEN 2030
Gizarte zein lurralde kohesioa eta aukera berdintasuna dituen Bizkaia
2 ardatza, helburua:
Aukeren berdintasunean
Ekintza aukeratu:
-
Genero-indarkeriaren biktima diren emakumeen seme-alabak artatzeko programa
Aurrerapen-maila:
%70Familian esku hartzeko programa, bikotearen barruan genero-indarkeriaren biktima diren adingabekoei arreta eskaintzean espezializatu dena. Programa 2016an jarri zen abian eta era egokian ari da garatzen bere bi ildoetan:
- Egonaldi ertain-luzeko zentroan dauden umeekin burutzen de esku hartze terapeutikoko programa. 2017an 10 izan dira arreta hau jaso duten umeak; erdiak neskak ziren.
- Txikiak programa, euren familiekin etxeetan bizi diren eta genero-biolentziaren biktimak diren umeentzako programa. Honen barruan arreta jasotzen duten pertsonak, guztira, 52 dira, Horietatik 18 amak dira, 4 aitak, 6 beste senide batzuk eta 24 genero-biolentziaren biktimak diren umeak.
-
Pertsonen salerosketaren aurkako Bizkaiko plan integrala
Aurrerapen-maila:
%67Bizkailab Hitzarmenaren barruan: “Gizakien salerosketa prostituziora bortxatzeko: Informatzaile gakoen ondorioak” gaiari buruzko azterlana egin da.
Halaber, 2017an zehar bi mintegi burutu dira eta horietan arloan adituak diren pertsonek, hirugarren sektoreak eta botere judizialak hartu dute parte.
Azterlana amaitu ondoren eta bi mintegiak egin ondoren, esplotazio sexualerako helburuekin salerosketen biktimak diren emakumeekin esku hartzeko Plana egiten hasi zen. Gaur egun Plan hori betearazpen fasean dago. Egin diren kalkuluen arabera 2018ko martxoan bukatuko da.
-
Gizarte-bazterketa handia pairatzen duten etxegabeekin esku hartzeko dispositiboa
Aurrerapen-maila:
%80Habitat Bizkaia Programaren oinarria etxerik gabeko egoeran dauden pertsonentzako Housing First eredua da.
Dispositibo honen helburua elementu egonkorra den etxebizitzara iristeko aukera ematea da, etxebizitza horrek etxerik ez duten eta gizarte bereizkeria altuaren egoera bizi diren pertsonen kasuan autonomia eta segurtasuna ematen duelako.
2016ko irailean lankidetza hitzarmena harpidetu zen Zubietxe Elkartearekin eta lankidetzen proposamenak garatu dira udalerriekin etxebizitza horiek eskura jartzearen ondoreetarako. Une hauetan 16 dira programaren erabiltzaileak eta garapena egokia eta asetzeko modukoa da.
-
Errefuxiatuekin esku-hartze soziala egiteko Goihabe programa
Aurrerapen-maila:
%70Gohiabe gizarte-inklusiorako programa integral bat da, errefuxiatuak gurera ailegatu eta haien harrera egin osteko garaian garatzen dena. Harrera-prozesua Espainiako Gobernuaren Barne Ministerioari dagokio, eta Bizkaiko Foru Aldundiak laguntza-lanak egiten ditu, fase horretan hutsuneak edo urritasunak ikusten direnean.
Programa abian jarri zen arlo honetan pilatutako esperientzia dela-eta hautatu zairen gizarte ekimeneko irabazteko asmorik gabeko lau erakunde hauekin: CEAR, Espainiako Gurutze Gorria, Caritas eta Ellacuria fundazioa.
2017an arreta psikologiko espezializatuko zerbitzu berria jarri zen abian. Zerbitzu hori Lagungo erakundearekin.
-
Nazioarteko lankidetzarako plan zuzentzailea lantzea
Aurrerapen-maila:
%1002017ko maiatzaren 2an Bizkaiko Foru Aldundiaren Gobernu Kontseiluak Lankidetzarako Plan Zuzentzailea onetsi zuen. Plan horrek garapenerako lankidetzarako jarduteko zeharkako ildoak, lehentasun geografikoak eta lehentasunezko sektoreak ezartzen ditu 2019ra arte.
Bizkaiko Foru Aldundiarentzat plan hau lankidetza deserdiratuaren barruan kokatzen da, hau da, Lurraldean finkatuta solidaritate-loturak ezartzeko, toki garapeneko prozesuak laguntzeko eta deserdiratzeko, erakundeak eta gizarte zibila sendotzeko eta partaidetzako esparruak sortzeko aukerak ematen dituen ekintza moduan ulertuta, herritarren hurbiltasuna aprobetxatuz gizarte eraldaketarako hezkuntzan sakontzeko bidea ematen dutenak. Helburu nagusia lankidetzako politika publiko guztietan ardatzak diren zeharkako ildoak eguneratzea da eta, aldi berean, lehentasun geografikoak eta sektorialak ezartzea eta jarduteko sektorerik garrantzitsuenak finkatzea.
-
Berdintasunari buruzko Foru Arauaren proiektua
Aurrerapen-maila:
%80Berdintasunari buruzko etorkizuneko Foru Arauak emakumeen eta gizonen arteko berdintasunaren arloan Bizkaiko Foru Aldundiaren jarduketa gidatu behar duten oinarriak eta helburuak ezarriko ditu; abiaburua ildo estrategiko batzuk izango dira, adibidez berdintasuneko politiken zeharkakotasuna, ahalduntzea eta baloreen aldaketa, kontziliazioa eta erantzukidetasuna eta genero indarkeria ezabatzea.
Foru Araua 2016ko maiatzean hasi zen prestatzen, partaidetzan oinarritu den prozesuan burutu da eta hiru maila zaintzen ditu : soziala, politikoa eta teknikoa.
Une hauetan Gobernu Kontseiluan Foru Arauaren proiektua onesteko lanak amaitzen ari dira, ostean Batzar Nagusietan aurkezteko, onesteko eta onartzeko.
-
Bizkaia erreferentzia-nodo bilakatzea gizarte-berrikuntzan
Aurrerapen-maila:
%502017an gizarte berrikuntzako jardunaldi bat egin da berriz ere, eta, 2016an bezalaxe, 300 parte hartzaile baino gehiago izan dira. Bidenabar, berrikuntzako 2 tailer ere antolatu dira, eta 40 parte hartzaile baino gehiago bildu dira.
Horrez gain, maiatzaren 16ko 66/2017 Foru Dekretua ere onartu da, 2017ko Ekintzailetzako eta Gizarte-berrikuntzako Programa arautu zuena; horren bitartez 7 gizarte proiektu berritzaile eta 3 gizarte enpresa berritzaile berri lagundu dira. Orotara, 2016 eta 2017 artean 20 gizarte proiektu berritzaile eta 10 gizarte enpresa berritzaile berri babestu dira, ekintzailetza eta gizarte berrikuntzako programaren bitartez.
Bidenabar, 2017an oinarri komunitarioko proiektu berritzaileak abiarazten ere aurrera egin da.