Arreta Goiztiarra

GURASO ESKOLA – GURASOENTZAT

Haurrei, haien familiei eta inguruneari zuzendutako esku-hartzeen multzoari esaten zaio arreta goiztiarra. Esku-hartze horien funtsezko helburua haurren eta haien familien ongizatea hobetzea da.

Helburu horretan aurrera egiteko eta prozesu osoan familiak partaide bilakatzeko, GURASO ESKOLA, hain zuzen ere, sortu da.

Atal horretan, familientzat interesgarria den informazioa eta dokumentazioa sartu da, adibidez, GURASO ESKOLAren informazio eta prestakuntzako aurrez aurreko saioak. Saio horiek Bizkaiko Lurralde Historikoko zenbait herritan egiten dira, familientzat interesgarriak diren gaiak lantzeko. Arlo horretan aritzen diren profesionalek hartzen dute parte saio horietan.

Gainera, GURASO ESKOLAren etorkizuneko aurrez aurreko edizioetan izena emateko informazioa, estekak eta jarraibideak eskuratu ahal izango dira.